રાજુલા શહેરમાં વિશ્વ હિન્દુ પરિષદ ‘કા રાજા’ દ્વારા સૌપ્રથમવાર એક જ મંચ પર સમાજના વિવિધ અગ્રણીઓ માટે વિશેષ સન્માન સમારોહ યોજાયો હતો. આ કાર્યક્રમમાં સમાજસેવા, શિક્ષણ, આરોગ્ય, ગૌસેવા તથા ધાર્મિક ક્ષેત્રે ઉત્કૃષ્ટ પ્રદાન કરનાર વ્યક્તિઓ અને સંસ્થાઓનું સન્માન કરવામાં આવ્યું હતું. જેમાં નિમેષભાઈ ઠાકરે સ્વાગત પ્રવચન કર્યું હતું અને યુવરાજભાઈ ચાંદુએ પરિષદનો પરિચય આપ્યો હતો. આ પ્રસંગે પૂર્વ ધારાસભ્ય અમરીશ ડેર સહિતના આગેવાનો ઉપસ્થિત રહ્યા હતા. સમારોહમાં મારુતિ ધામના મહંત ભાવેશ બાપુ, બી.એ.પી.એસ., બ્રહ્માકુમારી, સ્થાનિક ગૌશાળાઓ, આર.એસ.એસ., ગાયત્રી શક્તિપીઠ તેમજ રાજુલા પોલીસ, ૧૦૮ સેવા, સરકારી હોસ્પિટલ અને વિવિધ સામાજિક-ધાર્મિક મંડળોના અગ્રણીઓનું અભિવાદન કરાયું હતું. સમગ્ર કાર્યક્રમનું સંચાલન નિકુંજ પંડિતે અને આભારવિધિ ચિરાગભાઈ જોશીએ સંપન્ન કરી હતી.






































