પશ્ચિમ બંગાળમાં એક નવો રાજકીય વિવાદ ફાટી નીકળ્યો છે. વિરોધ પક્ષ ટીએમસીએ ભાજપ પર ગંભીર આરોપ લગાવ્યો છે. ટીએમસીએ જણાવ્યું હતું કે ભૂતપૂર્વ મુખ્યમંત્રી મમતા બેનર્જીના ઘરની બહાર ભારે પોલીસ બંદોબસ્ત ગોઠવવામાં આવ્યો છે. ત્યાં બેરિકેડ પણ ગોઠવવામાં આવ્યા છે. આનો હેતુ મમતા બેનર્જીને બરુઈપુર જતા અટકાવવાનો છે. દક્ષિણ ૨૪ પરગણા જિલ્લાના બરુઈપુરમાં ૧૧ વર્ષની બાળકી પર બળાત્કાર અને હત્યાનો આરોપ છે. બેનર્જી છોકરીના પરિવારને મળવા જઈ રહ્યા હતા.
ટીએમસીએ વરિષ્ઠ નેતાઓએ જણાવ્યું હતું કે મમતા બેનર્જીનું ઘર કાલીઘાટમાં છે. તેમના ઘરની બહાર સાંકડી ગલીમાં ૧૦ થી વધુ પોલીસ વાહનો પાર્ક કરવામાં આવ્યા છે. પાર્ટીના રાષ્ટ્રીય મહાસચિવ અભિષેક બેનર્જીનું પણ નજીકમાં એક ઘર છે. ત્યાં પોલીસ પણ તૈનાત છે. ટીએમસી ધારાસભ્ય કુણાલ ઘોષે સોશિયલ મીડિયા પર પોસ્ટ કર્યું હતું કે ભૂતપૂર્વ મુખ્યમંત્રી બરુઈપુર જઈ રહ્યા છે, પરંતુ તેમને બહાર જતા અટકાવવા માટે ભારે પોલીસ બંદોબસ્ત અને બેરિકેડ મૂકવામાં આવ્યા હતા.
પાર્ટીના સત્તાવાર સોશિયલ મીડિયા એકાઉન્ટ્સે પણ આ તૈનાતી અંગે પ્રશ્નો ઉભા કર્યા હતા. ટીએમસીએ આને વિપક્ષને ડરાવવાનો પ્રયાસ ગણાવ્યો હતો. ટીએમસીએ એકસ પર લખ્યું કે ભાજપનો એક જ એજન્ડા છે. ટીએમસીએ ઠ પર લખ્યું, “અમારા અધ્યક્ષ મમતા બેનર્જી બરુઈપુર જવા માંગતા હતા. આ વાતની જાણ થતાં જ, મોટી પોલીસ ફોર્સ તૈનાત કરવામાં આવી અને તેમને બહાર જતા અટકાવવા માટે તેમના ઘરની બહાર બેરિકેડ્સ ઉભા કરવામાં આવ્યા. તેમને રોકવાના આ પ્રયાસો છતાં, અમારી માંગ એ જ રહી ન્યાય મળે દીદી પીડિતાના પરિવાર સાથે મજબૂત રીતે ઉભા છે અને તેમને ન્યાય અપાવવા માટે પ્રતિબદ્ધ છે.
આ દરમિયાન, ટીએમસી સાંસદ ડેરેક ઓ’બ્રાયને પણ પોલીસ તૈનાતી પર સવાલ ઉઠાવ્યા હતા. તેમણે કહ્યું કે મમતા બેનર્જીનો રસ્તો રોકવા માટે પોલીસ વાહનો જાણી જાઈને પાર્ક કરવામાં આવ્યા હતા.
યુવતીનો મૃતદેહ મળ્યો તેના થોડા કલાકો પછી જ આખો વિવાદ ફાટી નીકળ્યો.યુવતી એક દિવસ પહેલા ગુમ થઈ ગઈ હતી. કોલકાતાથી લગભગ ૧૫ કિલોમીટર દૂર બરુઈપુરના સૂર્યપુર હાટ વિસ્તારમાં તેનો મૃતદેહ મળી આવ્યો હતો.યુવતીનો મૃતદેહ કોથળામાં ભરેલો હતો. આનાથી સ્થાનિક લોકો ગુસ્સે ભરાયા. લોકોએ રસ્તાઓ બ્લોક કરી દીધા અને ટાયરો સળગાવ્યા. ગુસ્સે ભરાયેલા પ્રદર્શનકારીઓએ પોલીસ વાહનોમાં પણ તોડફોડ કરી, ગુનેગારો સામે તાત્કાલિક કાર્યવાહીની માંગ કરી.
આ ઘટના બાદમાં હિંસામાં ફેરવાઈ ગઈ. ગુસ્સે ભરાયેલા ટોળાએ ગુનામાં સંડોવણીના આરોપમાં એક વ્યક્તિને માર માર્યો. પોલીસે છોકરીના મૃત્યુના સંદર્ભમાં ચાર લોકોની ધરપકડ કરી છે. દરમિયાન, ભાજપે ટીએમસીના તમામ આરોપોને નકારી કાઢ્યા છે, તેને નિયમિત સુરક્ષા પગલાં ગણાવ્યા છે. રાજ્ય ભાજપના મુખ્ય પ્રવક્તા દેબજીત સરકારે કહ્યું કે ટીએમસી કંઈપણનો મુદ્દો બનાવી રહી છે. તેમણે કહ્યું કે ટીએમસી ફક્ત નાટક કરી રહી છે.
દેબજીત સરકારે જણાવ્યું હતું કે ભૂતપૂર્વ મુખ્યમંત્રીના જૂના સુરક્ષા કર્મચારીઓને બદલવામાં આવ્યા ત્યારે પણ ટીએમસીએ વિરોધ કર્યો હતો. મમતા બેનર્જી પાસે ઝેડ-પ્લસ સુરક્ષા છે. જા પોલીસ તેમના ઘરની બહાર પેટ્રોલિંગ કરી રહી છે, તો તેમાં શું ખોટું છે? તેમણે પૂછ્યું કે શું વહીવટીતંત્રે મમતા અથવા તેમના પક્ષને કહ્યું હતું કે તેઓ તેમના ઘરની બહાર નીકળી શકશે નહીં.
