ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા નવેમ્બર-ડિસેમ્બર ૨૦૨૬માં યોજાનારી ધોરણ ૧૦ અને ૧૨ સામાન્ય પ્રવાહની જાહેર પરીક્ષાને ધ્યાનમાં રાખીને અમરેલી જિલ્લા શિક્ષણ અધિકારીની કચેરી દ્વારા માર્ગદર્શક ટીમની રચના કરવામાં આવી છે. પરીક્ષાર્થીઓના મનમાંથી પરીક્ષાનો ડર દૂર કરવા અને તેમની મૂંઝવણોનું નિરાકરણ લાવવા વિવિધ શાળાના આચાર્યો અને નિષ્ણાત શિક્ષકોનો સમાવેશ કરવામાં આવ્યો છે. આ ટીમ ૨૧ નવેમ્બરથી ૯ ડિસેમ્બર સુધી દરરોજ સવારે ૧૧થી સાંજે ૬ વાગ્યા સુધી વિદ્યાર્થીઓને માર્ગદર્શન આપશે. જિલ્લા શિક્ષણ અધિકારીએ વિદ્યાર્થીઓ અને વાલીઓને આ સેવાનો વધુમાં વધુ લાભ લેવા અનુરોધ કર્યો છે.