ફિલ્મ ‘ધુરંધર’ સાથે સંકળાયેલા પ્રોડક્શન ડિઝાઇનર સૈની એસ. જાહરેની તાજેતરમાં ચંદીગઢમાં જાતીય સતામણી કેસમાં ધરપકડ કરવામાં આવી હતી. ત્યારબાદ તેમને જામીન પર મુક્ત કરવામાં આવ્યા હતા. હવે, સમાચાર આવી રહ્યા છે કે પ્રોડક્શન ડિઝાઇનરની ધરપકડના મહિનાઓ પહેલા, એક આંતરિક જાતીય સતામણી પ્રતિબંધ એજન્સીએ તેમને દોષિત ઠેરવ્યા હતા.સુત્રો અનુસાર, તપાસ બાદ, તેમનું નામ ‘ધુરંધર ૨’ માંથી દૂર કરવામાં આવ્યું હતું. તેમનું નામ ‘ધુરંધર’ ના ડિજિટલ સંસ્કરણમાંથી પણ દૂર કરવામાં આવ્યું હતું.
સૂત્રો અનુસાર, ગયા વર્ષે ઓક્ટોબરમાં એક મહિલા તરફથી ફરિયાદ મળ્યા બાદ આદિત્ય ધારના બી-૬૨ સ્ટુડિયોએ જાહરી સામેના આરોપોની છ મહિના સુધી તપાસ કરી હતી. ટીમે આંતરિક ‘જાતીય સતામણી નિવારણ’ સમિતિની રચના કરી, જેણે સંબંધિત પક્ષો સાથે વાત કરી. આ વર્ષની શરૂઆતમાં તેને દોષિત ઠેરવવામાં આવ્યો હતો.
સત્તાવાર પ્રોટોકોલનું પાલન કરીને, ૧૯ માર્ચે રિલીઝ થયેલી “ધુરંધર ૨” માંથી તેમનું નામ દૂર કરવામાં આવ્યું. તેમનું નામ “ધુરંધર” ના થિયેટર અને મૂળ કયુ વર્ઝનમાં દેખાય છે. જાકે, ગયા અઠવાડિયે ઓટીટી પર રિલીઝ થયેલી “રો એન્ડ અનસીન” વર્ઝનની ક્રેડિટમાં તેમનો ઉલ્લેખ નથી. “કલા વિશે ચર્ચા કરવી ઠીક છે, મજાક કરવી નહીં,” અનન્યા પાંડેની ઓનસ્ક્રીન માતા ટ્રોલિંગ પર પોતાનો અભિપ્રાય વ્યક્ત કરે છે. ૨૬ મેના રોજ, ચંદીગઢ પોલીસે એક મહિલા દ્વારા દાખલ કરાયેલી જાતીય સતામણીની ફરિયાદ બાદ સેક્ટર ૧૭ પોલીસ સ્ટેશનમાં સૈની એસ. જાહરે વિરુદ્ધ એફઆઇઆર નોંધી.
આ ઘટના બાદ, ‘ધ હોલીવુડ રિપોર્ટર ઇન્ડીયા’ એ અહેવાલ આપ્યો છે કે યશ રાજ ફિલ્મ્સએ તેની આગામી શ્રેણી “અક્કા” માંથી સિનેમેટોગ્રાફર પ્રતીક શાહનું નામ દૂર કરી દીધું છે.એક નિવેદનમાં,વાયઆરએફ એ જણાવ્યું હતું કે શાહને પ્રોજેક્ટ પર ફ્રીલાન્સર તરીકે રાખવામાં આવ્યા હતા અને શોમાં તેમનો કાર્યકાળ પૂરો થયા પછી જ આ આરોપો સામે આવ્યા હતા. સલામત કાર્ય વાતાવરણ જાળવવા માટે પ્રતિબદ્ધ સંસ્થાએ શ્રેણીમાંથી તેમનું નામ દૂર કરવાનો નિર્ણય લીધો છે. ગયા વર્ષે પ્રતીક શાહ સામેના આરોપો જાહેર થયા હતા જ્યારે ઘણી મહિલાઓએ સોશિયલ મીડિયા પર તેમના અનુભવો શેર કર્યા હતા, જેમાં સિનેમેટોગ્રાફર પર હિંસક વર્તન, ચાલાકી અને વ્યાવસાયિક ગેરવર્તણૂકનો આરોપ લગાવ્યો હતો.
