રાષ્ટ્રીય જનતા દળનું બિહાર રાજ્ય સંગઠન ટૂંક સમયમાં નવા અવતારમાં જાવા મળશે. વિધાન પરિષદ ચૂંટણી પછી તરત જ પાર્ટીની નવી રાજ્ય સમિતિની જાહેરાત થવાની શક્યતા છે. હકીકતમાં, વર્તમાન પ્રદેશ પ્રમુખ, મંગણી લાલ મંડલ, છેલ્લા કેટલાક સમયથી બીમાર છે, જેના કારણે સંગઠનાત્મક પ્રવૃત્તિઓમાં તેમની સંડોવણીમાં નોંધપાત્ર ઘટાડો થયો છે. આ બીમારીને ધ્યાનમાં રાખીને, આરજેડી નેતૃત્વ હવે તેમને મદદ કરવા અથવા તેમના સ્થાને નવા કાર્યકારી પ્રમુખની નિમણૂક કરવા માટે ગંભીરતાથી વિચારી રહ્યું છે.
નવા કાર્યકારી પ્રમુખ પદ અંગે પાર્ટીમાં વિચાર-વિમર્શ તેજ બન્યો છે. હાલમાં, આ મહત્વપૂર્ણ સંગઠનાત્મક જવાબદારી માટે રાજકીય વર્તુળોમાં પાંચ અગ્રણી નેતાઓના નામની ચર્ચા સૌથી વધુ થઈ રહી છે.
કુમાર સર્વજીતઃ બોધગયાના ધારાસભ્ય અને પાર્ટીમાં એક અગ્રણી દલિત વ્યક્તીત્વ.
આલોક મહેતાઃ ઉજીયારપુરના ધારાસભ્ય અને પાર્ટીના વરિષ્ઠ નેતા.
શિવચંદ્ર રામઃ ભૂતપૂર્વ મંત્રી અને એક અગ્રણી આરજેડી નેતા.
સુધાકર સિંહઃ બક્સરના વર્તમાન સાંસદ અને એક તીક્ષ્ણ વક્તા.
સુનિલ કુમાર સિંહઃ વરિષ્ઠ આરજેડી એમએલસી (વિધાનસભા કાઉન્સીલર).
જાકે ઘણા નામોની ચર્ચા થઈ રહી છે, પરંતુ હજુ સુધી કોઈ એક નામ પર કોઈ અંતિમ સર્વસંમતિ થઈ નથી. પાર્ટીના સૂત્રોના જણાવ્યા અનુસાર, રાષ્ટ્રીય અધ્યક્ષ લાલુ પ્રસાદ યાદવ અને રાષ્ટ્રીય કાર્યકારી પ્રમુખ તેજસ્વી યાદવ વચ્ચે પરસ્પર સંમતિ પછી જ અંતિમ નિર્ણય લેવામાં આવશે. ટોચની નેતાગીરી લીલી ઝંડી આપે પછી, નવા કાર્યકારી પ્રમુખનું નામ કોઈપણ દિવસે સત્તાવાર રીતે જાહેર કરવામાં આવશે.
મંગણી લાલ મંડલ ૨૫ જૂન, ૨૦૨૫ ના રોજ રાજદના બિહાર રાજ્ય પ્રમુખ તરીકે બિનહરીફ ચૂંટાયા હતા. જો કે, પદ સંભાળ્યાના થોડા સમય પછી, તેઓ અસ્વસ્થતા અનુભવવા લાગ્યા. તેમની ખરાબ તબિયતને કારણે, તેઓ સંગઠનના દૈનિક કાર્ય અને પાર્ટીના કાર્યક્રમોમાં પોતાનો સંપૂર્ણ સમય સમર્પિત કરી શકતા નથી. પરિસ્થીતિ એવી છે કે ચૂંટાયાના આટલા મહિનાઓ પછી પણ, તેઓ હજુ સુધી ઔપચારિક રીતે તેમની સંપૂર્ણ રાજ્ય સમિતિની રચના કરી શક્યાં નથી, જે સંગઠનના કાર્યને અસર કરી રહી છે.
રાજદ રણનીતિકારો માને છે કે ચાલુ વિધાન પરિષદ ચૂંટણી દરમિયાન કોઈપણ મોટા ફેરફારો ટાળવા જાઈએ. સ્ન્ઝ્ર ચૂંટણી પ્રક્રિયા પૂર્ણ થતાંની સાથે જ પાર્ટી નવા કાર્યકારી પ્રમુખને કમાન સોંપશે અને સમગ્ર રાજ્ય સમિતિની યાદી જાહેર કરશે. આ નવા ફેરફારનો મુખ્ય ઉદ્દેશ્ય આગામી ચૂંટણીઓને ધ્યાનમાં રાખીને સંગઠનાત્મક માળખાને વધુ સક્રિય, આક્રમક અને મજબૂત બનાવવાનો છે.
