અફઘાનિસ્તાનમાં ટ્રક પલટી જતાં શરણાર્થીઓના મોત થયા છે. તે બધા પાકિસ્તાનથી પરત ફરી રહ્યા હતા. અકસ્માતમાં ૩૫ લોકો ઘાયલ થયા હોવાના પણ અહેવાલ છે. આ ઘટનાને પગલે ઘટનાસ્થળે અફડાતફડી મચી ગઈ હતી. ઘાયલોને તાત્કાલિક નજીકની હોસ્પીટલમાં દાખલ કરવામાં આવ્યા હતા અને સારવાર લઈ રહ્યા છે. તાજેતરના પાકિસ્તાની હકાલપટ્ટી બાદ આ લોકો અફઘાનિસ્તાન પરત ફરી રહ્યા હતા.
અધિકારીઓએ જણાવ્યું હતું કે શનિવારે પૂર્વી અફઘાનિસ્તાનમાં એક હાઇવે પર અકસ્માત થયો હતો. પડોશી દેશ પાકિસ્તાનથી પરત ફરતા અફઘાન શરણાર્થીઓને લઈ જતી એક ટ્રક પલટી ગઈ હતી. ઓછામાં ઓછા ૧૮ લોકો માર્યા ગયા હતા અને ૩૫ અન્ય ઘાયલ થયા હતા, જેમાં મોટાભાગની મહિલાઓ અને બાળકોનો સમાવેશ થાય છે.
પ્રાંતીય ગવર્નરના પ્રવક્તા અબ્દુલ મલિક નિયાઝાઈએ જણાવ્યું હતું કે આ અકસ્માત કાબુલને લગમાન પ્રાંતના નંગરહાર પ્રાંતને જાડતા મુખ્ય હાઇવે પર થયો હતો. તેમણે કહ્યું કે મૃતકોમાં ૧૦ બાળકો અને પાંચ મહિલાઓનો સમાવેશ થાય છે, અને ઘાયલોને નંગરહારની હોસ્પીટલોમાં લઈ જવામાં આવ્યા હતા. દરમિયાન, તાલિબાન સરકારના પ્રવક્તા ઝબીહુલ્લાહ મુજાહિદે આ ઘટના પર ઊંડો દુઃખ વ્યક્ત કર્યો હતો. તેમણે પીડિતોના પરિવારો પ્રત્યે સંવેદના વ્યક્ત કરી હતી.
અહેવાલો અનુસાર, આ મુસાફરો તાજેતરમાં પાકિસ્તાનથી પરત ફરેલા હજારો અફઘાન લોકોમાંના હતા. પાકિસ્તાને ૨૦૨૩ માં ગેરકાયદેસર ઇમિગ્રન્ટ્સ પર કાર્યવાહી શરૂ કરી હતી અને ત્યારથી ઘણા લોકોને દેશનિકાલ કર્યા છે અથવા દેશ છોડવા માટે દબાણ કર્યું છે. તે જ સમયે, ઇરાને પણ અફઘાન ઇમિગ્રન્ટ્સને હાંકી કાઢવાની પ્રક્રિયા ઝડપી બનાવી હતી. ત્યારથી, બંને દેશોમાંથી લાખો અફઘાન લોકો ઘરે પાછા ફર્યા છે, જેમાં ઘણા એવા લોકોનો પણ સમાવેશ થાય છે જેઓ પાકિસ્તાનમાં જન્મ્યા હતા અને દાયકાઓથી ત્યાં રહેતા અને કામ કરતા હતા.
