અમરેલી તાલુકા પંચાયતના પ્રમુખ તરીકે ગીતાબેન માંડણકાની સર્વાનુમતે વરણી કરવામાં આવી છે. આ સાથે જ પંચાયતના અન્ય મહત્વના હોદ્દાઓ પર પણ સક્ષમ આગેવાનોની નિમણૂંક કરીને વહીવટી માળખાને આખરી ઓપ આપવામાં આવ્યો છે. વિલાસબેન ખુમાણને ઉપપ્રમુખ તરીકેની મહત્વની જવાબદારી સોંપાઈ છે જ્યારે તાલુકાના વિકાસ કાર્યોને વેગ આપવા માટે કારોબારી સમિતિના ચેરમેન તરીકે અરવિંદભાઈ કાકડીયાની પસંદગી કરવામાં આવી છે. પંચાયતમાં શાસક પક્ષના નેતા તરીકે પાયલબેન મેવાડા અને પક્ષના શિસ્ત તેમજ આયોજનની કમાન સંભાળવા માટે દંડક તરીકે રાજેશભાઈ કાછડીયાને હોદ્દાની ફાળવણી કરવામાં આવી છે. આ તમામ નવયુક્ત હોદ્દેદારો આગામી સમયમાં તાલુકાના ગ્રામ્ય વિસ્તારોના પ્રશ્નો ઉકેલવા અને જનકલ્યાણની વિવિધ યોજનાઓને છેવાડાના માનવી સુધી પહોંચાડવા માટે એકજુથ થઈને કાર્ય કરશે તેવી અપેક્ષા રાખવામાં આવી રહી છે. તમામ સભ્યોએ નવા હોદ્દેદારોને શુભેચ્છાઓ પાઠવી હતી.
