રાષ્ટ્રીય જનતા દળ (રાજદ) ના વડા અને બિહારના ભૂતપૂર્વ મુખ્યમંત્રી લાલુ પ્રસાદ યાદવને દેવઘર ઘાસચારા કૌભાંડ કેસમાં મોટી રાહત મળી છે. સુપ્રીમ કોર્ટે લાલુ યાદવના જામીન રદ કરવાનો ઇનકાર કર્યો છે. ઘાસચારા કૌભાંડ કેસમાં દોષિત ઠેરવ્યા બાદ સીબીઆઇએ લાલુ યાદવના જામીન રદ કરવાની માંગ કરી હતી. જાકે, સુપ્રીમ કોર્ટે લાલુ યાદવને જામીન આપવાના હાઇકોર્ટના આદેશમાં દખલ કરવાનો ઇનકાર કર્યો છે.અહેવાલો અનુસાર, સુપ્રીમ કોર્ટે લાલુ યાદવના જામીન રદ કરવાની સીબીઆઈની વિનંતીને ફગાવી દીધી છે. કોર્ટે જણાવ્યું હતું કે તે હાઇકોર્ટના આદેશમાં દખલ કરવા માંગતી નથી, ખાસ કરીને ત્યારથી સાત વર્ષ વીતી ગયા હોવાથી. સીબીઆઈની અપીલ ૨૦૧૮ ની છે. સુપ્રીમ કોર્ટે હાઇકોર્ટને લાલુ યાદવના કેસની સુનાવણી ઝડપી બનાવવા પણ કહ્યું હતું.
સુપ્રીમ કોર્ટમાં આ કેસની સુનાવણી દરમિયાન, સીબીઆઈનું પ્રતિનિધિત્વ કરતા એએસજી એસવી રાજુએ દલીલ કરી હતી કે લાલુની જામીન અરજી બે વાર ફગાવી દેવામાં આવી હતી. જાકે, હાઇકોર્ટે બાદમાં તેમને આ આધાર પર જામીન આપ્યા હતા કે તેમણે તેમની સજાનો ૫૦% ભાગ પૂર્ણ કર્યો છે, જે હકીકતમાં ખોટો છે. આમાં એ હકીકત ધ્યાનમાં લેવામાં આવી ન હતી કે આ સજાઓ સહવર્તી સજાઓ ન હતી.આ સમગ્ર કેસ બિહારના વિવિધ જિલ્લાઓમાં સરકારી તિજારીમાંથી જાહેર ભંડોળના છેતરપિંડીથી ઉપાડ સાથે સંબંધિત છે. જાન્યુઆરી ૧૯૯૬માં પશુપાલન વિભાગ પર દરોડા પડ્યા બાદ ઘાસચારા કૌભાંડ પ્રકાશમાં આવ્યું હતું. સીબીઆઈએ જૂન ૧૯૯૭માં પ્રસાદને આરોપી તરીકે નામ આપ્યું હતું. રાષ્ટÙીય જનતા દળ (આરજેડી) ના પ્રમુખ અને બિહારના ભૂતપૂર્વ મુખ્યમંત્રી, આરજેડી સુપ્રીમો લાલુ પ્રસાદ યાદવને ૯૫૦ કરોડના ઘાસચારા કૌભાંડ સાથે સંબંધિત પાંચ કેસોમાં જેલની સજા ફટકારવામાં આવી છે. આ કૌભાંડ ૧૯૯૨ અને ૧૯૯૫ ની વચ્ચે થયું હતું, જ્યારે લાલુ યાદવ બિહારના મુખ્યમંત્રી હતા અને નાણાં અને પશુપાલન વિભાગ પણ સંભાળતા હતા. તે સમયે બિહારનું વિભાજન થયું ન હતું. લાલુ યાદવ આ કૌભાંડમાં દોષિત ઠેરવાયેલા અગ્રણી નેતાઓમાં સામેલ હતા. તેઓ હાલમાં ખરાબ સ્વાસ્થ્યના કારણે જામીન પર છે.
