દક્ષિણ અમેરિકન દેશ ગયાનામાંથી એક દુઃખદ અકસ્માતના સમાચાર સામે આવ્યા છે. દરિયામાં ૧૩૩ લોકોને લઈ જતી હોડી/ફેરી પલટી ગઈ, જેના કારણે વ્યાપક ગભરાટ ફેલાયો. અધિકારીઓએ અકસ્માતની જાણ કરી છે અને કહ્યું છે કે અત્યાર સુધીમાં ૬૭ લોકોને બચાવી લેવામાં આવ્યા છે. અન્ય લોકોને શોધવા માટે બચાવ કામગીરી ચાલુ છે. જાકે, આ અકસ્માતમાં અત્યાર સુધીમાં કેટલા લોકોના મોત થયા છે તે સ્પષ્ટ નથી.ગુયાનાના વડા પ્રધાન માર્ક ફિલિપ્સ દ્વારા આપવામાં આવેલી માહિતી અનુસાર, જે બોટ પલટી ગઈ તેનું નામ “એમવી બારીમા” હતું. તે રાજધાની જ્યોર્જટાઉનથી ઉત્તર એટલાÂન્ટક કિનારા થઈને પોર્ટ કૈટુમા જઈ રહી હતી. તે પોમેરૂન નદી નજીક પલટી ગઈ. પીએમ ફિલિપ્સે જણાવ્યું હતું કે અકસ્માત બાદ શરૂ કરાયેલા શોધ અને બચાવ કામગીરીમાં બચાવાયેલા ૬૭ લોકોમાં ૧૫ બાળકોનો સમાવેશ થાય છે.ગુયાનાના પ્રધાન જુઆન એજહિલે ફેસબુક પર જણાવ્યું હતું કે સ્થાનિક સમય મુજબ રાત્રે ૧૧ઃ૦૧ વાગ્યે બોટ પલટી ગઈ હતી. અકસ્માતના સમાચાર મળતાં, સરકારી અને ખાનગી બોટની મદદથી ઘટનાસ્થળે શોધ અને બચાવ કામગીરી શરૂ કરવામાં આવી હતી. અધિકારીઓએ આશા વ્યક્ત કરી હતી કે વધુ મુસાફરોને સુરક્ષિત રીતે બચાવી લેવામાં આવશે. વડા પ્રધાન માર્ક ફિલિપ્સ સરકારના રાહત અને બચાવ કામગીરીનું નિરીક્ષણ કરી રહ્યા છે.ગુયાનામાં આ અકસ્માતના થોડા દિવસો પહેલા, એશિયન દેશ વિયેતનામમાં પણ એક મોટી દુર્ઘટના જાવા મળી હતી. વિયેતનામના ફુ ક્વોક ટાપુ નજીક અનેક ભારતીય પ્રવાસીઓને લઈ જતી એક બોટ પલટી ગઈ, જેમાં ૧૫ લોકોના મોત થયા. ન્ગોય ન્ગોયથી લગભગ ૪૦૦ મીટર દૂર દરિયામાં બોટ પલટી ગઈ, જેના કારણે બધા જ લોકો દરિયામાં ડૂબી ગયા. અહેવાલો અનુસાર, બોટમાં ૩૨ પ્રવાસીઓ અને ચાર ક્રૂ સભ્યો સહિત ૩૬ લોકો સવાર હતા. આ અકસ્માતમાં પંદર લોકોના મોત થયા, જ્યારે ૨૧ લોકોને બચાવી લેવામાં આવ્યા.
