યુએસ પ્રમુખ ડોનાલ્ડ ટ્રમ્પે દાવો કર્યો છે કે તાજેતરના સંઘર્ષ પછી ઈરાનની મિસાઈલ ક્ષમતાને ભારે નુકસાન થયું છે. તેમણે કહ્યું કે ઈરાન પાસે હવે પહેલા જેટલું હતું તેનો બહુ ઓછો ભાગ છે. તેમણે એમ પણ કહ્યું કે ઈરાન હાલમાં પરમાણુ શસ્ત્રો વિકસાવવાની સ્થીતિમાં નથી.
એનબીસી ન્યૂઝના ‘મીટ ધ પ્રેસ’ કાર્યક્રમ સાથેની મુલાકાતમાં, ટ્રમ્પે કહ્યું કે અમેરિકાએ ઈરાનની લશ્કરી ક્ષમતાને સંપૂર્ણપણે નષ્ટ કરી દીધી છે. તેમણે દાવો કર્યો હતો કે તેહરાન પાસે હવે તેની ભૂતપૂર્વ મિસાઇલ ક્ષમતાના માત્ર ૨૧ થી ૨૨ ટકા છે. ટ્રમ્પે કહ્યું કે તેમની પાસે હજુ પણ ઘણી બધી મિસાઇલો છે, પરંતુ અમે હુમલો કર્યો ત્યારે જેટલી તેમની પાસે હતી તેટલી નથી.
જાકે, ટ્રમ્પનો દાવો યુએસ ગુપ્તચર એજન્સીઓના અહેવાલો સાથે મેળ ખાતો નથી. ધ ન્યૂ યોર્ક ટાઇમ્સના અહેવાલ મુજબ, યુએસ કાયદા નિર્માતાઓને ગયા મહિને એક બ્રીફિંગમાં કહેવામાં આવ્યું હતું કે ઈરાને હોર્મુઝ સ્ટ્રેટ નજીક સ્થીત તેના ૩૩ મિસાઇલ સ્થળોમાંથી ૩૦ પર ફરીથી નિયંત્રણ મેળવ્યું છે. અહેવાલમાં એમ પણ કહેવામાં આવ્યું છે કે ઈરાન પાસે હજુ પણ તેના સંઘર્ષ પહેલાના મિસાઈલ ભંડારનો લગભગ ૭૦ ટકા હિસ્સો છે.
હોર્મુઝ સ્ટ્રેટમાં ચાલી રહેલા તણાવ અંગે, ટ્રમ્પે વિશ્વાસ વ્યક્ત કર્યો કે પરિસ્થીતિ ટૂંક સમયમાં સામાન્ય થઈ જશે. જ્યારે પૂછવામાં આવ્યું કે તેમની સરકારે કેટલા વાણિજ્યીક તેલ ટેન્કરોને સુરક્ષિત માર્ગ પૂરો પાડ્યો છે, ત્યારે તેમણે કહ્યું, “ઘણા. હું સંખ્યા જાહેર કરવા માંગતો નથી, પરંતુ ઘણી બધી.”
તેમણે કહ્યું કે પ્રાદેશિક તણાવ ટૂંક સમયમાં સમાપ્ત થશે, અને તે પછી તેલના ભાવ ઘટી શકે છે. ટ્રમ્પના મતે, જ્યારે પરિસ્થીતિ સંપૂર્ણપણે સામાન્ય થશે, ત્યારે તેલના ભાવ પહેલા કરતા પણ ઓછા થઈ શકે છે.
આ નિવેદન એવા સમયે આવ્યું છે જ્યારે ટ્રમ્પ અને તેમની રિપબ્લીકન પાર્ટી યુએસમાં વધતા ગેસોલિન અને ઇંધણના ભાવને લઈને સ્થાનિક રાજકીય દબાણનો સામનો કરી રહી છે. આગામી મધ્યસત્ર ચૂંટણીઓ પહેલા ફુગાવા અને ઊર્જાના ભાવ મુખ્ય રાજકીય મુદ્દાઓ છે.
દરમિયાન, પત્રકારો સાથેની વાતચીત દરમિયાન, ટ્રમ્પે ઈરાનની પરિસ્થીતિ અંગે સકારાત્મક સંકેતો પણ આપ્યા. તેમણે જણાવ્યું હતું કે ઈરાન સાથેની પરિસ્થીતિ “ખૂબ સારી” દેખાઈ રહી છે. જાકે, તેમણે કોઈ વધારાની વિગતો આપી ન હતી.
ટ્રમ્પે યુએસ ઇકોનોમિક અને રોજગાર ડેટાની પણ પ્રશંસા કરી. તેમણે જણાવ્યું હતું કે તાજેતરમાં પ્રકાશિત થયેલ રોજગાર અહેવાલ અપેક્ષા કરતા ઘણો સારો હતો. રાષ્ટ્રપતિએ દાવો કર્યો હતો કે યુ.એસ.માં ઉત્પાદનમાં રોકાણ ઝડપથી વધી રહ્યું છે અને મોટી સંખ્યામાં નવા કારખાનાઓ સ્થાપિત થઈ રહ્યા છે.
રોકાણ અને વૃદ્ધિને તેમની આર્થિક નીતિઓને આભારી ગણાવતા, તેમણે કહ્યું કે મજબૂત રોજગાર આંકડા યુ.એસ. અર્થતંત્રની મજબૂતાઈ દર્શાવે છે. ટ્રમ્પે એમ પણ કહ્યું હતું કે આર્થિક વૃદ્ધિનો અર્થ હંમેશા ફુગાવો વધારે હોતો નથી અને મજબૂત અર્થતંત્રને નાણાકીય બજારો માટે સકારાત્મક સંકેત માનવું જાઈએ. તેમણે એ પણ સંકેત આપ્યો હતો કે તેઓ વ્યાજ દરમાં ઘટાડો જાવા માંગે છે, જાકે તેમણે સ્વીકાર્યું હતું કે આ બાબતે અંતિમ નિર્ણય યુએસ સેન્ટ્રલ બેંક પર રહેલો છે.
ટ્રમ્પની ટિપ્પણી એવા સમયે આવી છે જ્યારે તેમની સરકાર આર્થિક કામગીરી, ઉર્જા બજારો, કૃત્રિમ બુદ્ધિ અને અન્ય મુદ્દાઓ પર ધ્યાન કેન્દ્રિત કરી રહી છે.
