ઓડિશા વિજિલન્સે મંગળવારે સંબલપુર જિલ્લાના બુર્લામાં વીર સુરેન્દ્ર સાઈ ઈન્સ્ટિટ્યૂટ ઓફ મેડિકલ સાયન્સ એન્ડ રિસર્ચના બે કર્મચારીઓ સામે અપ્રમાણસર સંપત્તિના કેસમાં મોટી કાર્યવાહી કરી. અલગ અલગ વિજિલન્સ ટીમોએ બે કર્મચારીઓ સાથે જાડાયેલા નવ સ્થળોએ એક સાથે દરોડા પાડ્યા. દરોડા દરમિયાન, એક કર્મચારીના નિવાસસ્થાનમાંથી ૨૦ પ્લોટ, ૧૯.૭૨ લાખ રોકડા, અનેક વાહનો અને અન્ય સંપત્તિ જપ્ત કરવામાં આવી છે. બંને કેસમાં સર્ચ ઓપરેશન ચાલુ છે.
વીઆઇએમએસએઆરના એસ્ટાબ્લિશમેન્ટ ઓફિસર-કમ-ઓફિસ સુપરિન્ટેન્ડેન્ટ ધનુર્ધર બિસ્વાલ સામે પહેલો દરોડો પાડવામાં આવ્યો હતો. તેમના પર તેમની જાણીતી આવક કરતાં વધુ સંપત્તિ એકઠી કરવાનો આરોપ છે. સંબલપુરના સ્પેશિયલ જજ (વિજિલન્સ) દ્વારા જારી કરાયેલા સર્ચ વોરંટના આધારે, વિજિલન્સ ટીમે તેમના ચાર સ્થળોએ એક સાથે દરોડા પાડ્યા. આ કાર્યવાહીનું નેતૃત્વ બે, પાંચ ઇન્સ્પેક્ટર, ત્રણ આસિસ્ટન્ટ સબ-ઇન્સ્પેક્ટર અને અન્ય કર્મચારીઓની ટીમ દ્વારા કરવામાં આવ્યું હતું.
જે ચાર સ્થળોએ તપાસ કરવામાં આવી રહી છે તેમાં સંબલપુરના ધનકૌડામાં એક બે માળનું ઘર, ગુડેસિંગામાં એક ઇમારત,વીઆઇએમએસએઆર મેડિકલ સ્ટાફ કોલોનીમાં એક સરકારી નિવાસસ્થાન અને ના બુર્લામાં તેમની ઓફિસનો સમાવેશ થાય છે. વિજિલન્સ વિભાગની પ્રાથમિક તપાસમાં ધનુરધર બિસ્વાલ અને તેમના પરિવારના નામે અનેક મિલકતો બહાર આવી છે. આમાં ધનકૌડામાં આશરે ૧,૬૫૦ ચોરસ ફૂટનું બે માળનું ઘર, ગુડેસિંગામાં બીજી ઇમારત અને સંબલપુર શહેરની બહાર ૨૦ કિંમતી પ્લોટનો સમાવેશ થાય છે.
તપાસ દરમિયાન અત્યાર સુધીમાં ૧૯,૭૨,૪૯૦ રોકડા મળી આવ્યા છે. સોનાના દાગીનાનું વજન અને મૂલ્યાંકન કરવામાં આવી રહ્યું છે. વિજિલન્સ બેંક ખાતાઓ, પોસ્ટ ઓફિસ બચત યોજનાઓ અને અન્ય નાણાકીય રોકાણોની પણ તપાસ કરી રહી છે. તપાસમાં એક હિવા ટ્રક, એક ફોર વ્હીલર, બે ટ્રેક્ટર અને ત્રણ ટુ-વ્હીલર વાહનો પણ મળી આવ્યા છે. આ તમામ વાહનોની ખરીદી અને આવકના સ્ત્રોતની તપાસ કરવામાં આવી રહી છે.
દરમિયાન, ઓડિશા વિજિલન્સે વીઆઇએમએસએઆરના સુપરિન્ટેન્ડેન્ટની ઓફિસમાં કામ કરતા સ્ટુઅર્ડ અશ્વિની મહેર સામે પણ તેમના જાણીતા આવકના સ્ત્રોત કરતાં વધુ સંપત્તિ ધરાવવાના આરોપસર કાર્યવાહી શરૂ કરી છે. અશ્વિની મહેરના કિસ્સામાં, વિજિલન્સ ટીમે સંબલપુર અને બારગઢ જિલ્લામાં પાંચ સ્થળોએ એક સાથે દરોડા પાડ્યા હતા. આ કાર્યવાહી પાંચ ડીએસપી, પાંચ ઇન્સ્પેક્ટર, ત્રણ એએસઆઇ અને અન્ય કર્મચારીઓની ટીમ દ્વારા કરવામાં આવી રહી છે. આ કાર્યવાહી સ્પેશિયલ જજ (વિજિલન્સ), સંબલપુર દ્વારા જારી કરાયેલ સર્ચ વોરંટના આધારે પણ કરવામાં આવી રહી છે.
દરોડા પૂર્ણ થયા પછી કાયદેસર કાર્યવાહી કરવામાં આવશે. અશ્વિની મેહર સાથે જાડાયેલા પાંચ સ્થળોએ તપાસ કરવામાં આવી રહી છે જેમાં વીઆઇએમએસએઆર મેડિકલ સ્ટાફ કોલોનીમાં એક સરકારી નિવાસસ્થાન, બુર્લાના સૌરવ વિહારમાં નિર્માણાધીન ચાર માળની ઇમારત, પઠાણબંધમાં એક ઘર, બારગઢ જિલ્લાના ગોવિંદપાલીમાં એક ઇમારત અને બુર્લાના વીઆઇએમએસએઆરમાં તેમનો ઓફિસ રૂમનો સમાવેશ થાય છે. ઓડિશા વિજિલન્સે જણાવ્યું હતું કે બંને કિસ્સાઓમાં શોધખોળ અને દસ્તાવેજાની ચકાસણી ચાલુ છે. દરોડા પૂર્ણ થયા પછી, જપ્ત કરાયેલી સંપત્તિનું અંતિમ મૂલ્યાંકન કરવામાં આવશે, અને તપાસના આધારે આગળની કાનૂની કાર્યવાહી કરવામાં આવશે.
