૧૧ જૂન ૨૦૨૬ના રોજ જાયન્ટ્સ ગ્રુપ ઓફ ઉના સાહેલી દ્વારા ઉનાની સરકારી હોસ્પિટલમાં એક પ્રશંસનીય સેવાકીય કાર્યક્રમ યોજાયો હતો. કાળઝાળ ગરમીમાં હોસ્પિટલમાં દાખલ દર્દીઓ અને સુવાવડ માટે આવેલી બહેનોને રાહત આપવાના ઉદ્દેશ્યથી ગ્રુપના સભ્યો દ્વારા નારિયેળ પાણી અને બિસ્કીટનું વિતરણ કરવામાં આવ્યું હતું. આ માનવતાવાદી કાર્યમાં સંસ્થાના પ્રેસિડેન્ટ આશાબેન ઝા, વાઈસ પ્રેસિડેન્ટ સુનિતાબેન ઝાલા, મેઘનાબેન પરમાર, વિજયાબેન અને ધારાબેન સહિતના સભ્યોએ ઉત્સાહભેર જોડાઈને પોતાની સેવાઓ આપી હતી.
