ગીર સોમનાથના ઉના શહેરમાં કોમી શાંતિ અને કાયદો-વ્યવસ્થા જાળવવા સરકારે ૧ મે ૨૦૨૬થી પાંચ વર્ષ માટે ‘અશાંત ધારો’ અમલમાં મૂક્યો છે. શહેરના વોર્ડ નં. ૧, ૨ અને ૪ ને અશાંત વિસ્તાર જાહેર કરવામાં આવ્યા છે. હવે આ વિસ્તારોમાં મિલકતની ખરીદી કે વેચાણ માટે પ્રાંત અધિકારીની પૂર્વ મંજૂરી લેવી અનિવાર્ય બનશે. નિયમોનું ઉલ્લંઘન કરનારને ૬ મહિનાથી ૫ વર્ષ સુધીની સજા અને રૂ. ૧ લાખ સુધીનો દંડ થઈ શકે છે. આ નિર્ણયનો મુખ્ય હેતુ મિલકતોની ગેરકાયદેસર લે-વેચ અટકાવી સામાજિક સુમેળ જાળવવાનો છે.
