ઇસ્કોન બ્રિજ હિટ એન્ડ રન કેસમાં આરોપી તથ્ય પટેલ સામે કોર્ટમાં સાક્ષીઓની જુબાનીઓ ઝડપથી ચાલુ રહી છે. તાજેતરમાં વધુ એક મહત્વપૂર્ણ સાક્ષીએ કોર્ટમાં પોતાનું નિવેદન નોંધાવ્યું છે, જેણે અકસ્માતની ભયાનક ઘટનાને વિગતવાર વર્ણવી છે અને આરોપીની કારની અતિશય ઝડપ તેમજ નિયંત્રણ બહારની સ્થિતિ ની પુષ્ટિ કરી છે.
કોર્ટમાં આપેલી જુબાની દરમિયાન સાક્ષીએ જણાવ્યું કે, ૧૯ જુલાઈ ૨૦૨૩ની રાત્રે ઇસ્કોન બ્રિજ પર અકસ્માત થયો ત્યારે તથ્ય પટેલની જગુઆર કાર ફુલ સ્પીડમાં હતી. કારનું નિયંત્રણ સંપૂર્ણપણે બહાર ગયું હતું અને તે બ્રેક માર્યા વગર જ લોકો પર ધસી આવી હતી. સાક્ષીએ વધુમાં કહ્યું કે, અકસ્માતની તીવ્રતા એટલી હતી કે ભાવેશ ઠાકોરને કારની ટક્કરથી હવામાં ફંગોળાઈ જતા જાયા હતા. આ દ્રશ્ય ખૂબ જ ભયાનક અને હૃદયવિદારક હતું.આ જુબાની કેસની તપાસને વધુ મજબૂત બનાવે છે, કારણ કે તે આરોપીની બેફામ ડ્રાઇવિંગ અને રિસ્કી વર્તનની સીધી પુષ્ટિ કરે છે. પોલીસ રિપોર્ટ અનુસાર, કારની સ્પીડ ૧૪૧.૨૭ કિલોમીટર પ્રતિ કલાક સુધી પહોંચી હતી, જે બ્રિજ પરના નિયમો અને સુરક્ષા માટે અત્યંત જાખમી હતી.
આ ભયાનક અકસ્માત ૧૯-૨૦ જુલાઈ ૨૦૨૩ની રાત્રે થયો હતો. બ્રિજ પર થાર અને ડમ્પર વચ્ચે અકસ્માત થયો હતો, જેને જાવા માટે લોકો ભેગા થયા હતા. તે સમયે તથ્ય પટેલે પોતાની જગુઆર કાર અતિશય ઝડપે હંકારીને ભીડમાં ધસી આવ્યો હતો. આ અકસ્માતમાં ૯ નિર્દોષ લોકોના મોત થયા હતા, જેમાં પોલીસ કર્મચારીઓ અને સામાન્ય નાગરિકોનો સમાવેશ થતો હતો. આ ઘટનાએ સમગ્ર ગુજરાતમાં ભારે આક્રોશ અને ચકચાર મચાવી દીધી હતી.કેસમાં અત્યાર સુધીમાં અનેક સાક્ષીઓએ જુબાની આપી છે.
સુપ્રીમ કોર્ટના આદેશ બાદ નવેમ્બર ૨૦૨૫માં ટ્રાયલ કોર્ટે આરોપી તથ્ય પટેલ અને તેના પિતા પ્રગ્નેશ પટેલ વિરુદ્ધ ચાર્જ ફ્રેમ કર્યા હતા. આરોપીઓ સામે આઇપીસીની કલમ તથા મોટર વ્હીકલ એક્ટની કલમો હેઠળ આરોપ મૂકવામાં આવ્યા છે.આજે પણ કોર્ટમાં વધુ એક સાક્ષીની જુબાની નોંધાવાની છે. સાક્ષીઓની જુબાની પ્રક્રિયા ચાલુ રહેશે અને કેસની તપાસ તેજ ગતિએ આગળ વધી રહી છે.
