યુએસના ઉપપ્રમુખ જેડી વાન્સે કહ્યું છે કે ઈરાન અમેરિકા સાથે કરાર કરવા માંગે છે. તેમણે એ પણ સ્પષ્ટ કર્યું કે પરમાણુ શસ્ત્રો વિકસાવવા એ વોશિંગ્ટન માટે “લાલ રેખા” છે જેને પાર કરી શકાતી નથી.
પત્રકારોને સંબોધતા, જે.ડી. વાન્સે કહ્યું, “મને લાગે છે કે ઈરાનીઓ એક સોદો ઇચ્છે છે, તેઓ માને છે કે પરમાણુ શ†ો યુનાઇટેડ સ્ટેટ્સ માટે લાલ રેખા છે… પરંતુ જ્યાં સુધી અમે કરાર પર હસ્તાક્ષર નહીં કરીએ ત્યાં સુધી અમને ખબર નહીં પડે… આખરે, તે ઈરાનીઓ પર નિર્ભર છે કે તેઓ અમારી સાથે મળવા તૈયાર છે કે નહીં, કારણ કે મને લાગે છે કે અમે ચોક્કસપણે સારું કામ કરી રહ્યા છીએ અને સારા ઇરાદા સાથે વાટાઘાટો કરી રહ્યા છીએ. આપણે જાવું પડશે કે અંતે તેમની સાથે શું થાય છે. હું વિશ્વાસ સાથે કંઈ કહી શકતો નથી, કારણ કે મને ખબર નથી કે બીજી બાજુના મનમાં શું ચાલી રહ્યું છે.”
વાન્સે વધુમાં જણાવ્યું હતું કે અમેરિકા એવા કોઈપણ કરારને સ્વીકારશે નહીં જે ઈરાનને પરમાણુ શસ્ત્રો રાખવાની મંજૂરી આપે. તેમણે ચેતવણી આપી હતી કે રાષ્ટ્રપતિ ડોનાલ્ડ ટ્રમ્પ જરૂર પડ્યે વધુ કડક પગલાં લેવા તૈયાર છે. યુએસ ઉપરાષ્ટÙપતિએ ચેતવણી આપી હતી કે પરમાણુ શસ્ત્રો થી સજ્જ ઈરાન વિશ્વભરમાં પરમાણુ શસ્ત્રોની સ્પર્ધા શરૂ કરી શકે છે.
તેમણે કહ્યું, “અમે એવા કોઈ કરારમાં પ્રવેશ કરવાના નથી જે ઈરાનીઓને પરમાણુ શસ્ત્રો રાખવાની મંજૂરી આપે. જેમ રાષ્ટÙપતિ ડોનાલ્ડ ટ્રમ્પે મને કહ્યું હતું, અમે સંપૂર્ણપણે તૈયાર છીએ (બંધ અને લોડેડ). અમે તે માર્ગે જવા માંગતા નથી, પરંતુ રાષ્ટ્રપતિ તૈયાર છે અને જા જરૂરી હોય તો તે માર્ગે જવા સક્ષમ છે. ઈરાન ક્યારેય પરમાણુ શસ્ત્રો મેળવી શકશે નહીં… ઈરાન આ પ્રક્રિયામાં પહેલું પ્યાદુ હશે, જે સમગ્ર વિશ્વમાં પરમાણુ શસ્ત્રોની સ્પર્ધા શરૂ કરશે. તે આપણા રાષ્ટÙની સુરક્ષા માટે અત્યંત હાનિકારક હશે.”
ઈરાનને “ખંડિત દેશ” તરીકે વર્ણવતા, વાન્સે એ પણ શંકા વ્યક્ત કરી કે ઈરાની નેતાઓ પોતે શું ઇચ્છે છે તે વિશે સ્પષ્ટ છે કે નહીં. તેમણે કહ્યું, “મને લાગે છે કે તમે તે સંઘર્ષ જાઈ શકો છો; વાસ્તવિકતા એ છે કે કદાચ ઈરાનીઓ પોતે સંપૂર્ણપણે સ્પષ્ટ નથી કે તેઓ કઈ દિશામાં જવા માંગે છે. તેઓ પણ એક ખંડિત દેશ છે.”
ઉપરાષ્ટ્રપતિએ કહ્યું કે પરમાણુ શસ્ત્રો ન રાખવાની આ પ્રતિબદ્ધતા ડોનાલ્ડ ટ્રમ્પના રાષ્ટ્રપતિ પદથી આગળ ચાલુ રહેતી લાંબા ગાળાની પ્રક્રિયાનો ભાગ હોવી જાઈએ. તેમણે કહ્યું, “અમે ફક્ત પરમાણુ શસ્ત્રો ન રાખવાની પ્રતિબદ્ધતા જ નહીં, પણ એક એવી પ્રક્રિયા પર સાથે મળીને કામ કરવાની પ્રતિબદ્ધતા પણ જાવા માંગીએ છીએ જે સુનિશ્ચિત કરે છે કે, ફક્ત હાલમાં જ નહીં – જ્યારે ડોનાલ્ડ ટ્રમ્પ રાષ્ટ્રપતિ છે – પરંતુ આવનારા વર્ષોમાં પણ, ઈરાનીઓ ફરીથી પરમાણુ ક્ષમતા બનાવી ન શકે.”
