માનસિક દિવ્યાંગ બાળકોના વિકાસ અને કલ્યાણ પ્રેરિત કાર્યો કરતા અમરેલી સેવા ટ્રસ્ટ દ્વારા તાજેતરમાં કમી કેરાળા સ્થિત ‘માનવ સ્મૃતિ’ મંદબુદ્ધિ બાળકોની વિવિધલક્ષી નિવાસી શાળાને બે લાખ રૂપિયાનું અનુદાન આપવામાં આવ્યું છે. જનકલ્યાણ વિકાસ ટ્રસ્ટ દ્વારા સંચાલિત આ નિવાસી શાળામાં માનસિક દિવ્યાંગ (મંદબુદ્ધિ ધરાવતા) બાળકોને રહેવાની તથા જમવાની સુવિધા નિઃશુલ્ક પૂરી પાડવામાં આવે છે, તેમજ તેમના શિક્ષણ, તાલીમ અને પુનર્વસનની કામગીરી કરવામાં આવે છે. ટ્રસ્ટના રાજુભાઈ પરિખે જણાવ્યું હતું કે, જનકલ્યાણ વિકાસ ટ્રસ્ટ દ્વારા ચાલતા સેવાકીય કાર્યો અને નિવાસી શાળાની પ્રવૃત્તિઓમાં મદદરૂપ થવાની ભાવના સાથે અમરેલી સેવા ટ્રસ્ટ દ્વારા આ બે લાખ રૂપિયાનું અનુદાન અર્પણ કરવામાં આવેલ છે.




































