ઉદ્યોગપતિ અનિલ અંબાણીને મોટો ફટકો પડતાં, સુપ્રીમ કોર્ટે બેંક ઓફ બરોડા, ઇન્ડિયન ઓવરસીઝ બેંક અને આઇડીબીઆઇ બેંકને તેમના લોન ખાતાઓને છેતરપિંડી જાહેર કરવાથી રોકવાની માંગ કરતી તેમની અરજી ફગાવી દીધી છે.
મુખ્ય ન્યાયાધીશ સૂર્યકાંત, ન્યાયાધીશ જાયમલ્યા બાગચી અને ન્યાયાધીશ વિપુલ પંચોલીની બનેલી બેન્ચે જણાવ્યું હતું કે બોમ્બે હાઈકોર્ટની ડિવિઝન બેન્ચના નિર્ણયમાં દખલ કરવાનો કોઈ આધાર નથી. ડિવિઝન બેન્ચે સિંગલ બેન્ચ દ્વારા આપવામાં આવેલ સ્ટે પહેલાથી જ હટાવી દીધો હતો. સુપ્રીમ કોર્ટે સ્પષ્ટ કર્યું હતું કે હાઈકોર્ટના અવલોકનો બેંકો સામે દાખલ કરાયેલા મુકદ્દમાના અંતિમ નિર્ણય પર અસર કરશે નહીં.
અનિલ અંબાણીનું પ્રતિનિધિત્વ કરતા વરિષ્ઠ વકીલ કપિલ સિબ્બલે જણાવ્યું હતું કે તેમના ક્લાયન્ટ બેંકો સાથે આ મામલો ઉકેલવા માંગે છે. બેંકોનું પ્રતિનિધિત્વ કરતા સોલિસિટર જનરલ તુષાર મહેતાએ આનો વાંધો ઉઠાવ્યો હતો, પરંતુ કોર્ટે સિબ્બલનું નિવેદન નોંધ્યું હતું, જેમાં કહેવામાં આવ્યું હતું કે તે આ બાબતે કોઈ અભિપ્રાય આપી રહી નથી. કોર્ટે એમ પણ કહ્યું હતું કે ટ્રાયલ ઝડપથી આગળ વધવી જાઈએ અને અંબાણીના અન્ય કાનૂની વિકલ્પો ખુલ્લા રહે છે.
ફેબ્રુઆરીમાં, બોમ્બે હાઈકોર્ટે બેંકોને અંબાણીના ખાતાઓને છેતરપિંડી જાહેર કરવાથી રોકતો સ્ટે ઉઠાવી લીધો હતો. આ કેસ ઇમ્ના ૨૦૨૪ના માસ્ટર ડાયરેક્શન્સ ઓન ફ્રોડ ક્લાસિફિકેશન સાથે સંબંધિત છે. એક જજની બેન્ચે અગાઉ ફોરન્સિક ઓડિટના આધારે રાહત આપી હતી, પરંતુ ડિવિઝન બેન્ચે તેને “ગેરકાયદેસર અને વિકૃત” જાહેર કરીને બેંકોને આગળ વધવાની મંજૂરી આપી હતી.
