કોટડાપીઠા જિલ્લા પંચાયતની સામાન્ય ચૂંટણીમાં ભારતીય જનતા પાર્ટીએ આ વખતે મહેશભાઈ ભાયાણીના સ્થાને હિતેશભાઈ કલકાણીને ઉમેદવાર તરીકે પસંદ કર્યા હતા. પક્ષના આદેશને શિરોમાન્ય ગણીને મહેશભાઈએ ઉમેદવારના સાચા સારથી બનીને જીતની જવાબદારી સ્વીકારી હતી. તેમણે કાર્યકરો સાથે ખભેખભો મિલાવીને અઘરી ગણાતી આ બેઠક પર રાત-દિવસ મહેનત કરી અને અંતે ૨૬૩૫ મતોની જંગી સરસાઈથી ભાજપને વિજય અપાવ્યો હતો. અગાઉ ૨૦૨૧માં જ્યારે આ બેઠક ૫૫૦૦ મતોથી પાછળ હતી, ત્યારે પણ મહેશભાઈએ લડત આપી તાલુકા પંચાયતની છ માંથી ચાર બેઠકો જીતાડી ૨૫ વર્ષ બાદ ભાજપનું શાસન સ્થાપવામાં મુખ્ય ભૂમિકા ભજવી હતી. તેમની આ નિષ્ઠા અને વફાદારી જોઈ આજે સમગ્ર વિસ્તારના લોકો અને કાર્યકરો તેમના પર અભિનંદનનો વરસાદ કરી રહ્યા છે.
