શાહરૂખ ખાન માત્ર સ્ટારડમની દ્રષ્ટિએ જ નહીં પરંતુ સંપત્તિની દ્રષ્ટિએ પણ ભારતના ટોચના અભિનેતા છે, અને તેમનું પ્રભુત્વ ફરી એકવાર હુરુન રિચ લિસ્ટમાં જાવા મળ્યું છે. ગયા વર્ષની જેમ, કિંગ ખાન હુરુન ઇન્ડિયા રિચ લિસ્ટ ૨૦૨૬ માં પ્રભુત્વ જાળવી રાખે છે. યાદી અનુસાર, શાહરૂખ ખાનની કુલ સંપત્તિ ગયા વર્ષની સરખામણીમાં ૨,૪૯૦ કરોડ ઘટી છે, છતાં તે દેશના સૌથી ધનિક અભિનેતા રહ્યા છે. ગયા વર્ષે, શાહરૂખ ખાનની કુલ સંપત્તિ ૧૨,૪૯૦ કરોડ હતી, જ્યારે આ વર્ષે તેની કુલ સંપત્તિ ૧૦,૦૦૦ કરોડ છે. આમાં તેની પ્રોડક્શન કંપની, રેડ ચિલીઝ એન્ટરટેઈનમેન્ટ,આઇપીએલ ટીમ અને અન્ય વ્યવસાયોની કમાણીનો સમાવેશ થાય છે.
જ્યારે શાહરૂખ ખાન ૧૦,૦૦૦ કરોડની કુલ સંપત્તિ સાથે અમીર લોકોની યાદીમાં પ્રભુત્વ જાળવી રાખે છે, ત્યારે બોલિવૂડના શહેનશાહ અમિતાભ બચ્ચન બીજા સ્થાને છે. ૪,૦૦૦ કરોડની કુલ સંપત્તિ સાથે, અમિતાભ બચ્ચને બીજું સ્થાન મેળવ્યું છે. દરમિયાન, બોલિવૂડ સુપરસ્ટાર સલમાન ખાનની કુલ સંપત્તિ ૩,૦૦૦ કરોડ હોવાનો અંદાજ છે, જે તેમને ત્રીજા નંબરે રાખે છે. ઋતિક રોશન ૨,૫૦૦ કરોડની કુલ સંપત્તિ સાથે ચોથા નંબરે છે.
ગયા વર્ષે પણ શાહરૂખ ખાન ભારતના સૌથી ધનિક અભિનેતા હતા. ગયા વર્ષે તેમની કુલ સંપત્તિ ૧૨,૪૯૦ કરોડ હોવાનો અંદાજ હતો. આનો અર્થ એ થયો કે આ વર્ષે તેમની કમાણી ૨,૪૯૦ કરોડ ઘટી છે. હુરુન ઈન્ડિયા રિચ લિસ્ટ અનુસાર, ૨૦૨૫ માં શાહરૂખ ખાનની કુલ સંપત્તિ ૧૨,૪૯૦ કરોડ હોવાનો અંદાજ હતો, જે હવે ઘટીને ૧૦,૦૦૦ કરોડ થઈ ગયો છે. આ વર્ષની શરૂઆતમાં રિલીઝ થયેલી હુરુન ગ્લોબલ રિચ લિસ્ટમાં શાહરૂખ ખાનની કુલ સંપત્તિ ૧૦,૮૦૦ કરોડ હોવાનો અંદાજ છે.
