અભિનેતા-રાજકારણી વિજયની છેલ્લી ફિલ્મ, “જન નાયગન”, એ બોક્સ ઓફિસ પર મજબૂત શરૂઆત કરી હતી, ભારતમાં તેના પહેલા દિવસે ૪૨.૭ કરોડની કમાણી કરી હતી. જોકે, શુક્રવારે ફિલ્મની કમાણીમાં નોંધપાત્ર ઘટાડો જાવા મળ્યો હતો. બીજા દિવસે કમાણી ધીમી હતી, પરંતુ તેણે થિયેટરોમાં તેનો પ્રભાવશાળી દેખાવ ચાલુ રાખ્યો, રિલીઝના માત્ર બે દિવસમાં ભારતમાં ૫૦ કરોડનો આંકડો પાર કર્યો. એચ. વિનોદ દ્વારા દિગ્દર્શિત, ફિલ્મને રિલીઝના પહેલા દિવસે દર્શકો અને વિવેચકો બંને તરફથી મિશ્ર પ્રતિસાદ મળ્યો.
ટ્રેડ ટ્રેકર સેકનિલ્ક અનુસાર, “જન નાયકન” એ બીજા દિવસે ૨૧.૧૫ કરોડની કમાણી કરી, જેનાથી ભારતમાં તેની કુલ કમાણી ૬૩.૮૫ કરોડ થઈ ગઈ. આ આંકડો ફિલ્મના શરૂઆતના દિવસના ૪૨.૭૦ કરોડના નેટથી ૫૦.૫ ટકાનો ઘટાડો દર્શાવે છે. “જન નાયકન” એ તેના બીજા દિવસે આંતરરાષ્ટ્રીય બજારોમાંથી ૧૦ કરોડની કમાણી કરી. એકંદરે, ફિલ્મે વિશ્વભરમાં ૧૧૨.૫૦ કરોડની કમાણી કરી છે.
શુક્રવારે, ફિલ્મની એકંદર ઓકયુંપન્સી ૪૪.૩૩% હતી, જેમાં સવારના શો ૩૨.૭૭%, બપોરના શો ૩૭.૨૩%, સાંજના શો ૪૭% અને રાત્રિ શો ૬૦.૩૧% રેકોર્ડ કરવામાં આવ્યા હતા. સવારના શોમાં ઓકયુંપન્સી ૩૨.૭૭% હતી, જે વધીને ૩૭.૨૩% અને સાંજના શો ૪૭% થઈ હતી, અને રાત્રિ શો દરમિયાન ૬૦.૩૧% પર પહોંચી હતી. હિન્દી વર્ઝનની એકંદર ઓકયુંપન્સી ૧૧.૪૮% હતી, જ્યારે તેલુગુ વર્ઝનમાં દિવસ દરમિયાન ૨૨.૭૭% ઓક્્યુપન્સી નોંધાઈ હતી.
શુક્રવારે ફરી એકવાર તમિલ વર્ઝન ફિલ્મની કમાણીમાં સૌથી મોટો હિસ્સો ધરાવે છે, ૧૭.૯૫ કરોડની કમાણી કરે છે. બીજા દિવસે, હિન્દી વર્ઝન ૧.૮૫ કરોડ અને તેલુગુ વર્ઝન ૧.૩૫ કરોડની કમાણી કરે છે. મમિતા બૈજુ અભિનીત ફિલ્મે કુલ ૪૪.૩૩ ટકા ઓકયુંપન્સી મેળવી હતી, જેમ જેમ દિવસ આગળ વધતો ગયો તેમ તેમ ફૂટફોલ વધતો ગયો.
“જાન નાયકન” સાથે, વિજયે તેની ત્રણ દાયકા લાંબી ફિલ્મી કારકિર્દીનો અંત લાવ્યો છે, જે દરમિયાન તેણે ૬૦ થી વધુ ફિલ્મોમાં કામ કર્યું હતું. અનિરુદ્ધ રવિચંદરના સંગીતવાળી આ ફિલ્મમાં પૂજા હેગડે, બોબી દેઓલ, મમિતા બૈજુ, પ્રિયામણી, ગૌતમ વાસુદેવ મેનન અને પ્રકાશ રાજ પણ છે. આ ફિલ્મ ૨૩ જુલાઈના રોજ સિનેમાઘરોમાં રિલીઝ થઈ હતી.
