એક અમેરિકન અધિકારીના જણાવ્યા અનુસાર, યુએસ અને ઈરાની વાટાઘાટકારો ૬૦ દિવસ માટે યુદ્ધવિરામ લંબાવવા અને ઈરાનના પરમાણુ કાર્યક્રમ પર વાટાઘાટો ફરી શરૂ કરવા માટે વ્યાપક કરાર પર પહોંચ્યા છે. નામ ન આપવાની શરતે બોલતા અધિકારીએ જણાવ્યું હતું કે સમજૂતી કરારને હજુ પણ રાષ્ટ્રપતિ ડોનાલ્ડ ટ્રમ્પની અંતિમ મંજૂરીની જરૂર છે.
અધિકારીઓના જણાવ્યા અનુસાર, બંને પક્ષો વચ્ચેનો આ વ્યાપક કરાર એવા સમયે થયો છે જ્યારે અમેરિકા અને ઈરાન વચ્ચેનો નાજુક યુદ્ધવિરામ અસ્થિર લાગે છે. આ અહેવાલ સૌપ્રથમ ન્યૂઝ આઉટલેટ એક્સીઓસ દ્વારા પ્રકાશિત કરવામાં આવ્યો હતો.
દરમિયાન, યુએસ સૈન્યએ કહ્યું કે કુવૈતે બુધવારે મોડી રાત્રે ઈરાન દ્વારા છોડવામાં આવેલી મિસાઈલોને તોડી પાડી હતી અને પર્સિયન ગલ્ફમાં અમેરિકાના મુખ્ય સાથીઓમાંથી એક પર ઈરાની હુમલાને “યુદ્ધવિરામનું સ્પષ્ટ ઉલ્લંઘન” ગણાવ્યું હતું. કુવૈત પર હુમલો એ ગયા મહિને થયેલા અમેરિકા અને ઈરાન વચ્ચેના નાજુક યુદ્ધવિરામને જાખમમાં મૂકવા માટેનો નવીનતમ વિકાસ છે. કુવૈતે અગાઉ અહેવાલ આપ્યો હતો કે તેના પ્રદેશ પર હુમલો કરવામાં આવ્યો છે.
દરમિયાન, ઈરાને કહ્યું કે તેણે આ અઠવાડિયાની શરૂઆતમાં ગલ્ફ દેશમાં યુએસ બેઝ પર હુમલા બાદ બદલો લીધો. જાકે, તેણે દેશનું નામ લીધું નથી. ઈરાનનો હુમલો આ અઠવાડિયાની શરૂઆતમાં અમેરિકાએ કહ્યું હતું કે તેણે તેહરાનના મિસાઈલ લોન્ચ સાઇટ્સ, માઈન-લેઇંગ બોટ અને એટેક ડ્રોન પર હુમલો કર્યો છે જે તેણે બંધ હોર્મુઝ સ્ટ્રેટ નજીક ખતરો ઉભો કરી રહ્યા હોવાનું જણાવ્યું હતું.
