આઇપીએલ ૨૦૨૬ સીઝનમાં, વિરાટ કોહલી લીગ સ્ટેજમાં બેટ સાથે જબરદસ્ત ફોર્મમાં રહ્યો છે, જેના કારણે તેની રોયલ ચેલેન્જર્સ બેંગ્લોર પ્લેઓફમાં પહોંચવામાં મદદ મળી. સનરાઇઝર્સ હૈદરાબાદ સામેની અંતિમ લીગ સ્ટેજ મેચમાં, વિરાટ કોહલી મોટી ઇનિંગ્સ રમશે તેવી અપેક્ષા હતી, પરંતુ તે માત્ર ૧૫ રન બનાવીને પેવેલિયન પાછો ફર્યો. જાકે, તે પહેલાં, કોહલીએ એક એવી સિદ્ધિ હાંસલ કરી જેનાથી તેને ટી ૨૦ ક્રિકેટમાં એક મોટો રેકોર્ડ મળ્યો. વિરાટ કોહલી હવે ટી ૨૦ ફોર્મેટમાં ૫૦ કે તેથી વધુ રનની સૌથી વધુ ભાગીદારીમાં પ્રથમ સ્થાન ધરાવે છે.
ટી ૨૦ ક્રિકેટમાં ઘણા રેકોર્ડ બન્યા અને તૂટ્યા, જેમાં કોહલીના નામે ઘણા રેકોર્ડ છે. સનરાઇઝર્સ હૈદરાબાદ સામેની મેચમાં વેંકટેશ ઐયર સાથે વિરાટ કોહલીની ૫૦ રનની ઓપનિંગ ભાગીદારી ટી ૨૦ ક્રિકેટમાં સૌથી વધુ ભાગીદારી બની. આ વિરાટ કોહલીની ટી ૨૦ ક્રિકેટમાં ૨૧૧મી ૫૦ થી વધુ ભાગીદારી હતી, જેણે ઇંગ્લેન્ડના એલેક્સ હેલ્સને પાછળ છોડી દીધો, જેમણે અગાઉ ૨૧૦ પચાસથી વધુ ભાગીદારીનો ભાગ બનવાનો રેકોર્ડ બનાવ્યો હતો.
ટી ૨૦ માં સૌથી વધુ ૫૦ થી વધુ રનની ભાગીદારીનો ભાગ રહેલા ખેલાડીઓઃ વિરાટ કોહલી (ભારત) – ૨૧૧, એલેક્સ હેલ્સ (ઇંગ્લેન્ડ) – ૨૧૦,ડેવિડ વોર્નર (ઓસ્ટ્રેલિયા) – ૨૦૦,બાબર આઝમ (પાકિસ્તાન) – ૧૯૬,ક્રિસ ગેલ (વેસ્ટ ઇન્ડીઝ) – ૧૯૧,
વિરાટ કોહલી હાલમાં આઇપીએલ ૨૦૨૬ સીઝનમાં સૌથી વધુ રન બનાવનારા ખેલાડીઓની યાદીમાં ૭મા ક્રમે છે, તેણે ૧૪ મેચમાં ૫૦.૬૩ ની સરેરાશથી ૫૫૭ રન બનાવ્યા છે. આ સીઝનમાં, કોહલીએ એક સદી અને ચાર અડધી સદી પણ ફટકારી છે. કોહલી પાસે પ્લેઓફમાં એક મોટો રેકોર્ડ બનાવવાની પણ તક છે. જા તે વધુ ૪૩ રન બનાવશે, તો તે આઇપીએલ ઇતિહાસમાં સતત ચાર સીઝનમાં ૬૦૦ કે તેથી વધુ રન બનાવનાર પ્રથમ ખેલાડી બનશે.
