પેટ્રોલ અને ડીઝલના ભાવમાં ફરી વધારો થયો છે. પેટ્રોલના ભાવમાં ૮૭ પૈસા પ્રતિ લિટર અને ડીઝલમાં ૯૧ પૈસા પ્રતિ લિટરનો વધારો થયો છે. ૧૦ દિવસથી ઓછા સમયમાં આ ત્રીજા ભાવ વધારો છે.
દિલ્હીમાં હાલનો ભાવ શું છે ? પેટ્રોલ – ૯૯.૫૧ પ્રતિ લિટર,ડીઝલ – ૯૨.૪૯ પ્રતિ લિટર,
છેલ્લા ૧૦ દિવસમાં ત્રીજી વખત ભાવ વધ્યા
૧૫ મેના રોજ પેટ્રોલ અને ડીઝલના ભાવમાં ૩ નો વધારો કરવામાં આવ્યો.,૧૯ મેના રોજ પેટ્રોલ ૮૭ પૈસા અને ડીઝલ ૯૧ પૈસા મોંઘુ થયું.
ઉલ્લેખનીય છે કે તાજેતરમાં, પીએમ મોદીએ દેશને ઇંધણ બચાવવાનો પ્રયાસ કરવાની અપીલ કરી હતી. આ પછી, ઘણા રાજ્યોના મુખ્યમંત્રીઓ, મંત્રીઓ અને અન્ય વરિષ્ઠ નેતાઓએ તેમના કાફલા ટૂંકા કર્યા અને જનતાને ઇંધણ બચાવવાનો સંદેશ આપવાનો પ્રયાસ કર્યો. પીએમ મોદીનો કાફલો પણ ટૂંકો કરવામાં આવ્યો.
આ પછી, અહેવાલો બહાર આવ્યા કે દેશના ઘણા ભાગોમાં પેટ્રોલ પંપ લોકોથી ભરેલા હતા, અને ઘણી જગ્યાએ ઇંધણ ખતમ થઈ ગયું હતું. જાકે, પેટ્રોલિયમ અને કુદરતી ગેસ મંત્રાલયે ખાતરી આપી હતી કે દેશમાં કોઈ ઈંધણની અછત નથી. મંત્રાલયે કહ્યું હતું કે, “અફવાઓ પર ધ્યાન ન આપો, દેશમાં કોઈ ઈંધણની અછત નથી.”
એ નોંધવું જાઈએ કે અમેરિકા અને ઈરાન વચ્ચે ચાલી રહેલા તણાવને કારણે વિશ્વભરમાં તેલ પુરવઠામાં અનેક સમસ્યાઓ ઊભી થઈ રહી છે. દરમિયાન, એવા અહેવાલો બહાર આવ્યા છે કે ભારતે મે મહિનામાં સસ્તા ક્રૂડ ઓઇલની ખરીદીમાં વધારો કર્યો છે, જેના કારણે ભવિષ્યમાં પેટ્રોલ અને ડીઝલના ભાવ પર દબાણ ઘટી શકે છે અને તેમાં ઘટાડો થઈ શકે છે. નિષ્ણાતો માને છે કે જા ભારત સસ્તા ક્રૂડ ઓઇલની ખરીદી ચાલુ રાખશે, તો પેટ્રોલ અને ડીઝલના ભાવ પર અસર થઈ શકે છે અને ઘટી પણ શકે છે. જાકે, હાલમાં ખાતરીપૂર્વક કંઈ કહી શકાય નહીં.
