મહારાષ્ટ્રના અમરાવતીમાં બનેલી ઘટના જેવી જ એક ઘટના હવે કોલ્હાપુરમાં સામે આવી છે. શાહિદ સંદી નામના વ્યક્તિએ ૧૫ થી વધુ છોકરીઓનું જાતીય શોષણ કરીને તેમનું ફિલ્માંકન કરવાનો ચોંકાવનારો કિસ્સો સામે આવ્યો છે. પોલીસે આ કેસમાં શાહિદ સંદીની ધરપકડ કરી છે. તે આ વીડિયો દ્વારા છોકરીઓને બ્લેકમેલ કરી રહ્યો હતો.
આ કેસની ચોંકાવનારી વાત એ છે કે આ વીડિયોના આધારે સંડોવાયેલી છોકરીઓને ધમકી આપવામાં આવી રહી હતી. જો તેઓ આ વિશે કોઈને કહેશે, તો તેમને વીડિયો વાયરલ કરવાની ધમકી આપવામાં આવી હતી. જોકે, આરોપીના નજીકના મિત્રને સમગ્ર મામલાની જાણ થયા પછી, તેણે આ ઘટનાનો પર્દાફાશ કર્યો. આ પછી, એક પીડિતાએ હિંમત બતાવી અને ફરિયાદ નોંધાવવા માટે આગળ આવી.
નોંધનીય છે કે મહારાષ્ટ્રના અમરાવતી જિલ્લામાં અગાઉ એક મોટો કૌભાંડ ફાટી નીકળ્યો હતો. ૧૧ એપ્રિલના રોજ, સગીર છોકરીઓના અશ્લીલ વીડિયો કલીપ્સ અને ફોટા સોશિયલ મીડિયા પર સામે આવ્યા હતા, જેના કારણે પોલીસે કાર્યવાહી કરી હતી. પોલીસે આ કેસમાં આઠ આરોપીઓની ધરપકડ કરી હતી અને સાત મોબાઇલ ફોન, એક લેપટોપ, એક હાર્ડ ડિસ્ક અને એક ટેબ્લેટ સહિત અનેક ઇલેક્ટ્રોનિક ઉપકરણો જપ્ત કર્યા હતા. જપ્ત કરાયેલા ઇલેક્ટ્રોનિક ઉપકરણોને ફોરેન્સીક તપાસ માટે મોકલવામાં આવ્યા છે. અહેવાલો અનુસાર, સગીર છોકરીઓના અશ્લીલ વીડિયો કલીપ્સ અને ફોટા સામે આવ્યા બાદ પોલીસે મુખ્ય આરોપી અયાન અહેમદ તનવીર અહેમદ (૧૯) સહિત આઠ લોકોની ધરપકડ કરી છે.
