ભારતે ૨૦૨૮ માટે નિર્ધારિત વાર્ષિક યુએન ક્લાઈમેટ ચેન્જ કોન્ફરન્સ સીઓપી૩૩નું આયોજન કરવાનો પોતાનો પ્રસ્તાવ પાછો ખેંચી લીધો છે. સત્તાવાર સૂત્રોએ આ જાહેરાત કરી.
વૈશ્વક ક્લાઈમેટ ડિપ્લોમસીની દ્રષ્ટિએ આ નિર્ણય મહત્વપૂર્ણ માનવામાં આવે છે, કારણ કે ભારતે આ કાર્યક્રમ માટે પોતાની બોલી રજૂ કરી હતી. હકીકતમાં, ૨૦૨૩ માં દુબઈમાં આયોજિત સીઓપી ૨૮ દરમિયાન, પ્રધાનમંત્રી નરેન્દ્ર મોદીએ પોતે આંતરરાષ્ટીય મંચ પર પ્રસ્તાવ મુક્યો હતો કે ભારત ૨૦૨૮ માં સીઓપી૩૩નું આયોજન કરવા માંગે છે.
ત્યારબાદ પ્રધાનમંત્રીએ આ ઓફર કરી, જેમાં ક્લાઈમેટ ચેન્જ સામેની વૈશ્વક લડાઈમાં ભારતની વધતી જતી ભૂમિકા અને નેતૃત્વને ઉજાગર કરવામાં આવ્યું. સૂત્રોના જણાવ્યા અનુસાર, ભારતે સંબંધિત આંતરરાષ્ટીય સંસ્થાઓને સત્તાવાર રીતે જાણ કરી છે કે તે સીઓપી ૩૩નું આયોજન કરવાનો પોતાનો પ્રસ્તાવ પાછો ખેંચી રહ્યું છે. જા કે, આ નિર્ણય પાછળના કારણો હજુ સુધી જાહેર કરવામાં આવ્યા નથી.
પર્યાવરણ મંત્રાલયે હજુ સુધી આ ઘટનાક્રમ પર કોઈ ટિપ્પણી કરી નથી, અને બોનમાં સીઓપી મુખ્યાલયને મોકલવામાં આવેલા પ્રશ્નોનો હજુ સુધી કોઈ જવાબ મળ્યો નથી. સમાચાર એજન્સી અનુસાર, આશ્ચર્યજનક રીતે, ભારત આ કાર્યક્રમની તૈયારીઓમાં ખૂબ જ સક્રિય દેખાયું. જુલાઈ ૨૦૨૫ માં, ભારતીય પર્યાવરણ મંત્રાલયે એક સમર્પિત સીઓપી ૩૩ સેલ” ની સ્થાપના કરી.
આ સેલનો મુખ્ય હેતુ વ્યાવસાયિક અને લોજિસ્ટકલ જરૂરિયાતોને પૂર્ણ કરવાનો અને ૨૦૨૮ સમિટ માટે રોડમેપ વિકસાવવાનો હતો. સંયુક્ત રાષ્ટીયના નેજા હેઠળ આયોજિત આ વાર્ષિક આબોહવા પરિષદોનું આયોજન વિવિધ પ્રાદેશિક જૂથો વચ્ચે વારાફરતી થાય છે. આ જૂથોમાં આફ્રિકા, એશિયા-પેસિફિક, લેટિન અમેરિકા, પૂર્વી યુરોપ, પશ્ચિમ યુરોપ અને અન્ય દેશોનો સમાવેશ થાય છે. આ વર્ષે,સીઓપી ૩૧ નું આયોજન તુર્કી અને ઓસ્ટ્રેલિયા દ્વારા સંયુક્ત રીતે કરવામાં આવશે,
જ્યારે આવતા વર્ષે સીઓપી ઁ૩૧ ઇથોપિયાની રાજધાનીમાં યોજાશે. સીઓપી અથવા “પક્ષોનું પરિષદ”, સંયુક્ત રાષ્ટીય આબોહવા ફ્રેમવર્ક હેઠળ સૌથી મોટું વાર્ષિક મેળાવડું છે. વિશ્વભરના દેશો આબોહવા પરિવર્તનને સંબોધવા માટે વ્યૂહરચનાઓ, ધ્યેયો અને નીતિઓની ચર્ચા કરે છે. આ પરિષદ દર વર્ષે એક જ દેશ દ્વારા યોજવામાં આવે છે, જ્યાં વૈશ્વક આબોહવા કાર્યવાહી અંગેના મુખ્ય નિર્ણયો લેવામાં આવે છે.