ભારતના રાજા મુથુપંડીએ ૨૦૨૬ કોમનવેલ્થ ગેમ્સમાં વેઈટલિÂફ્ટંગ (૬૫ કિગ્રા કેટેગરી) માં સિલ્વર મેડલ જીતીને નોંધપાત્ર વાપસી કરી. ભારતીય વેઈટલિફ્ટિંગ ટીમના પ્રભાવશાળી પ્રદર્શનને ચાલુ રાખીને, આ ઇવેન્ટમાં ભારતનો ચોથો મેડલ હતો. ૨૬ વર્ષીય રાજા મુથુપંડીએ કુલ ૨૮૬ કિગ્રા (સ્નેચમાં ૧૨૬ કિગ્રા અને ક્લીન એન્ડ જર્કમાં ૧૬૦ કિગ્રા) વજન ઉપાડીને બીજા સ્થાને રહ્યો. આ દરમિયાન, મલેશિયાના અઝનિલ બિન બિદિન મોહમ્મદે ૨૯૯ કિગ્રાના રેકોર્ડ લિફ્ટ સાથે ગોલ્ડ મેડલ જીત્યો, જે કોમનવેલ્થ ગેમ્સમાં તેનો સતત ત્રીજા ગોલ્ડ મેડલ છે.રાજા મુથુપંડીએ પોતાના અભિયાનની મજબૂત શરૂઆત કરી હતી. તેણે બીજા પ્રયાસમાં ૧૨૬ કિગ્રા વજન ઉપાડીને સ્નેચ રાઉન્ડમાં લીડ મેળવી હતી. ત્યારબાદ તેણે બીજા પ્રયાસમાં ક્લીન એન્ડ જર્ક રાઉન્ડમાં સફળતાપૂર્વક ૧૬૦ કિગ્રા વજન ઉપાડ્યું. કુલ ૨૮૬ કિગ્રા વજન ઉપાડીને, તેણે ગ્લાસગોમાં ભારત માટે બીજા મેડલ જીત્યો. એ નોંધનીય છે કે ૨૦૧૯માં કોણીની ગંભીર ઈજાએ તેની કારકિર્દી લગભગ સમાપ્ત કરી દીધી હતી, જેના કારણે તે ૨૦૨૨ બ‹મગહામ કોમનવેલ્થ ગેમ્સમાં ભાગ લઈ શક્યો ન હતો.
૬૫ કિગ્રા વજન વર્ગની રજૂઆત પછી, રાજા મુથુપંડીએ ભારતીય ટીમમાં વાપસી કરી અને આંતરરાષ્ટÙીય સ્તરે સતત સારું પ્રદર્શન કર્યું. તેમણે ૨૦૨૫ વર્લ્ડ ચેમ્શિપિયનપમાં કારકિર્દીનો શ્રેષ્ઠ કુલ ૨૯૯ કિલો વજન ઉપાડ્યું અને નવમા સ્થાને રહ્યા. હવે, ૨૦૨૬ કોમનવેલ્થ ગેમ્સમાં તેમની સિલ્વર મેડલ જીતવાથી વેઇટલિÂફ્ટંગમાં ભારતની કુલ મેડલ સંખ્યા ચાર થઈ ગઈ છે. ભારતે અત્યાર સુધી આ સ્પર્ધામાં એક ગોલ્ડ, બે સિલ્વર અને એક બ્રોન્ઝ મેડલ જીત્યો છે.ભારતીય રમતવીરોએ કોમનવેલ્થ ગેમ્સના ચોથા દિવસે શાનદાર પ્રદર્શન કર્યું. ભારતે આ દિવસે ત્રણ મેડલ જીત્યા. મુથુપંડી પહેલા, ઓલમ્પિક મેડલ વિજેતા મીરાબાઈ ચાનુએ મહિલાઓની ૪૮ કિગ્રા શ્રેણીમાં સતત ત્રીજા ગોલ્ડ મેડલ જીત્યો હતો, જ્યારે છનામ્બમ ઋષિકાંત સિંહે પુરુષોની ૬૦ કિગ્રા ઇવેન્ટમાં સિલ્વર મેડલ જીત્યો હતો. આ પહેલા, ઝંડુ કુમારે ટુર્નામેન્ટના બીજા દિવસે પાવરલિફ્ટિંગમાં ભારત માટે બ્રોન્ઝ મેડલ જીત્યો હતો. ભારત હવે મેડલ ટેલીમાં સાતમા સ્થાને પહોંચી ગયું છે. ઓસ્ટ્રેલિયા ૧૨ ગોલ્ડ સહિત ૨૪ મેડલ સાથે પ્રથમ સ્થાને છે.
