એક કોર્ટે અમેરિકાના ન્યૂ યોર્કમાં મોટા આતંકવાદી હુમલાનું કાવતરું ઘડવા બદલ પાકિસ્તાની નાગરિકને દોષિત ઠેરવ્યો છે. ૨૧ વર્ષીય મુહમ્મદ શાહઝેબ ખાને ૨૦૨૪ માં બ્રુકલિનમાં એક મુખ્ય યહૂદી ધાર્મિક કેન્દ્ર પર હુમલો કરવાની યોજના બનાવી હતી. તેણે કોર્ટમાં દોષિત જાહેર કર્યો છે. ખાન પર ગંભીર આંતરરાષ્ટીય આતંકવાદ ગુનાઓનો આરોપ મૂકવામાં આવ્યો હતો. તેણે યુએસ ડિસ્ટ્રક્ટ જજ પોલ ગાર્ડેફે સમક્ષ દોષિત જાહેર કર્યો હતો. આ ગુના માટે તેને મહત્તમ આજીવન કેદની સજાનો સામનો કરવો પડી રહ્યો છે. કોર્ટે સજા સંભળાવવાની તારીખ ૧૨ ઓગસ્ટ નક્કી કરી છે.
તપાસ એજન્સીઓ અનુસાર, ખાન કેનેડામાં રહેતો હતો અને “શહેઝેબ જાદૂન” નામથી પણ ઓળખાતો હતો. તે આઇએસઆઇએસ (ઇસ્લામિક સ્ટેટ)થી પ્રભાવિત હતો અને સોશિયલ મીડિયા પર સહાયક સામગ્રી શેર કરતો હતો. તપાસમાં એ પણ બહાર આવ્યું છે કે તેણે ૭ ઓક્ટોબર, ૨૦૨૪ ની આસપાસ શક્્ય તેટલા યહૂદીઓને નિશાન બનાવવા માટે હુમલો કરવાની યોજના બનાવી હતી. તેણે બે વ્યક્તિઓ સાથે પોતાની યોજના શેર કરી હતી જે ગુપ્ત અધિકારીઓ હતા. તેણે તેમને દારૂગોળો અને અન્ય જરૂરી પુરવઠો મેળવવા કહ્યું.
ખાને શરૂઆતમાં વિવિધ સ્થળોને નિશાન બનાવવાની યોજના બનાવી હતી, પરંતુ બાદમાં બ્રુકલિન, ન્યૂ યોર્કમાં યહૂદી કેન્દ્રને તેના અંતિમ લક્ષ્ય તરીકે પસંદ કર્યું. તેનો ઇરાદો ઓટોમેટિક હથિયારોથી હુમલો કરવાનો હતો. સપ્ટેમ્બર ૨૦૨૪ માં, તે માનવ તસ્કરની મદદથી કેનેડાથી યુનાઇટેડ સ્ટેટ્સમાં પ્રવેશવાનો પ્રયાસ કરી રહ્યો હતો, પરંતુ સરહદથી લગભગ ૧૨ માઇલ પહેલા તેની ધરપકડ કરવામાં આવી હતી. આમ એક મોટો આતંકવાદી હુમલો ટળી ગયો. પોતાની ટ્રાયલ દરમિયાન, ખાને કબૂલ્યું કે તે યહૂદીઓને મારવાના ઈરાદાથી યુનાઇટેડ સ્ટેટ્સ જઈ રહ્યો હતો. જાકે, પાછળથી તેણે પોતાના કાર્યો બદલ પસ્તાવો વ્યક્ત કર્યો, અને તેને “ખોટા અને નૈતિક રીતે નિંદનીય” ગણાવ્યા.
