સાવરકુંડલાની વી.ડી. ઘેલાણી મહિલા આટ્ર્સ કોલેજમાં ૦૫/૦૨/૨૦૨૬ના રોજ મેન્ટલ હેલ્થ ક્લબ અને વુમન સેલ દ્વારા એક સેમિનારનું આયોજન કરવામાં આવ્યું હતું. જેમાં જિલ્લાના જાણીતા ડાયેટિશિયન કુ. હેત્વીબેન ગઢીયાએ બહેનોમાં જોવા મળતી સમસ્યાઓમાં PCOD તથા PCOS વિશે માહિતી આપી હતી. તેમણે બહેનોને મેન્ટલ હેલ્થના સંદર્ભમાં અનેક પ્રકારના ઉપાયો સૂચવ્યા હતા. પોષક તત્વો, શરીરમાં પાણીની માત્રા કેટલી જરૂરી છે અને શારીરિક અને માનસિક તંદુરસ્તી જાળવવા માટે જરૂરી માર્ગદર્શન આપ્યું હતું. આ કાર્યક્રમનું સંકલન કાર્યકારી આચાર્ય ચાવડાભાઇએ કર્યું હતું અને સંચાલન ડા. પ્રતિમા શુક્લએ કર્યું હતું. આ કાર્યક્રમમાં કે. કે. હાઈસ્કૂલમાંથી નૂતનબેન ચૌધરી તેમની વિદ્યાર્થિનીઓ સાથે જોડાયા હતા. આ કાર્યક્રમનું આભાર દર્શન ડો. રૂકશાનાબેન કુરેશીએ કર્યું હતું.
