ઈરાન સાથે ચાલી રહેલા યુએસ યુદ્ધ વચ્ચે, યુએસ પ્રમુખ ડોનાલ્ડ ટ્રમ્પને તેમના જ દેશમાં ઝટકો લાગ્યો છે. ટ્રમ્પ વહીવટીતંત્ર દ્વારા રજૂ કરાયેલ ૧ ટ્રિલિયન અથવા ૯૬ લાખ કરોડથી વધુના સંરક્ષણ બિલને યુએસ સેનેટમાં બ્લોક કરી દેવામાં આવ્યું છે. ડેમોક્રેટ્સે ઈરાન સાથેના યુદ્ધના વિરોધમાં આ પગલું ભર્યું છે.સેનેટમાં ડેમોક્રેટ્સે વાર્ષિક સંરક્ષણ બિલ, રાષ્ટÙીય સંરક્ષણ અધિકૃતતા અધિનિયમ, પસાર થવાથી અટકાવ્યું. તેમણે જણાવ્યું હતું કે તેઓ ડોનાલ્ડ ટ્રમ્પના ઈરાન સામેના યુદ્ધ અને દ્વિપક્ષીય પેકેજનો વિરોધ કરે છે, જેમાં લશ્કરી કર્મચારીઓ માટે પગાર વધારા સહિત નોંધપાત્ર પેન્ટાગોન ખર્ચ માટેની જાગવાઈઓ શામેલ છે.એ નોંધનીય છે કે ડેમોક્રેટિક નેતા ચક શૂમરે યુએસ સેનેટમાં આ બિલનો વિરોધ કર્યો હતો. તેમણે, અન્ય અગ્રણી ડેમોક્રેટ્સ સાથે, જણાવ્યું હતું કે તેઓ વાર્ષિક સંરક્ષણ બિલ, જેને રાષ્ટ્રીય સંરક્ષણ અધિકૃતતા અધિનિયમ તરીકે ઓળખવામાં આવે છે, તેને સમર્થન આપી શકતા નથી, કારણ કે ઈરાન સાથેનું યુદ્ધ તેના પાંચમા મહિનામાં ચાલુ છે. સેનેટ મતદાનમાં ૫૦-૪૬ મત મળ્યા, અને રાષ્ટ્રીય સંરક્ષણ અધિકૃતતા અધિનિયમ બિલ પક્ષની રેખાઓ પર જરૂરી બહુમતી મેળવવામાં નિષ્ફળ ગયું.ચક શુમરે કહ્યું, “ડોનાલ્ડ ટ્રમ્પ અમેરિકન લોકોને એવા યુદ્ધમાં વધુ ઊંડા ધકેલી શકતા નથી જેને તેઓ સમજી શકતા નથી અને જેને કેવી રીતે સમાપ્ત કરવું તે જાણતા નથી. અને પછી તેઓ અપેક્ષા રાખે છે કે કોંગ્રેસ તેને અવગણશે.”યુએસ સેનેટમાં આ મતદાન વ્હાઇટ હાઉસે કોંગ્રેસને ઔપચારિક રીતે જાણ કર્યાના એક દિવસ પછી આવ્યું કે તેણે ઈરાન સામે બોમ્બમારો ફરી શરૂ કર્યો છે, જેનાથી યુએસ-ઈરાન યુદ્ધવિરામનો અંત આવ્યો છે. ટ્રમ્પે ઓવલ ઓફિસમાં ગુપ્ત બ્રીફિંગ પછી ઈરાન સાથે યુદ્ધવિરામ અંગેના પોતાના નિર્ણયને ઉલટાવી દીધો હતો. યુદ્ધ ફાટી નીકળવાથી આર્થિક ઉથલપાથલ થઈ છે અને મધ્યસત્ર ચૂંટણીઓ પહેલા ગેસના ભાવમાં વધઘટ જેવી સમસ્યાઓ ઊભી થઈ છે.
