સંસદના ચોમાસુ સત્રની શરૂઆત પહેલા રવિવારે દિલ્હીમાં સંસદ ભવનના એનેક્સીમાં બોલાવવામાં આવેલી સર્વપક્ષીય બેઠકમાં હોબાળો જાવા મળ્યો. બળવાખોર તૃણમૂલ કોંગ્રેસના સાંસદોને બેઠકમાં આમંત્રણ આપવાના વિરોધમાં કોંગ્રેસ, સમાજવાદી પાર્ટી, ડીએમકે અને આપ સહિત સમગ્ર વિપક્ષે બેઠકમાંથી વોકઆઉટ કર્યું. જાકે, વિપક્ષી નેતાઓ પાછળથી બેઠકમાં ફરી જાડાયા અને તેને “પ્રતીકાત્મક વિરોધ” ગણાવ્યો.વિપક્ષના વોકઆઉટનું મુખ્ય કારણ ઓલ ઈન્ડિયા તૃણમૂલ કોંગ્રેસના ૨૦ બળવાખોર સાંસદોને બેઠકમાં આમંત્રણ અને તેમને એક અલગ જૂથ તરીકે માન્યતા આપવામાં આવી હતી. આ બળવાખોર સાંસદો એનસીપી નામની પાર્ટીમાં જાડાયા છે.ટીએમસી સાંસદ મહુઆ મોઇત્રાએ કહ્યું, “કોંગ્રેસ, સમાજવાદી પાર્ટી, ડીએમકે, જેએમએમ, આમ આદમી પાર્ટી, નેશનલ કોન્ફરન્સ, ડાબેરી પક્ષો અને શિવસેના (યુબીટી) સહિત સમગ્ર વિપક્ષ આ બેઠકમાંથી વોકઆઉટ કરી ગયો. ટેબલ ઓફિસ દ્વારા આપવામાં આવેલી યાદીમાં ટીએમસીની સંખ્યા ૨૮ હોવાનું દર્શાવવામાં આવ્યું છે, જ્યારે સ્પીકરે હજુ સુધી આ ૨૦ બળવાખોર સાંસદોના વિલીનીકરણને મંજૂરી આપી નથી. તેમની સામે વીસ ગેરલાયકાત અરજીઓ હજુ પણ પેન્ડિગ છે. ૯૧મા બંધારણીય સુધારા પછી અલગ જૂથની કોઈ જાગવાઈ નથી. તો, સંસદીય બાબતોના મંત્રીએ તેમને કયા આધારે આમંત્રણ આપ્યું?”બેઠક છોડીને, વિપક્ષી નેતાઓએ કેન્દ્ર સરકાર પર બંધારણનો અનાદર કરવાનો અને લોકશાહીની હત્યા કરવાનો આરોપ લગાવ્યો. કોંગ્રેસના સાંસદ પ્રમોદ તિવારીએ કહ્યું, “કોંગ્રેસે બંધારણના રક્ષણ માટે આ વોકઆઉટ કર્યું. અંતિમ નિર્ણય વિના આવું પગલું ભરવું સંપૂર્ણપણે ગેરબંધારણીય છે.”શિવસેના યુબીટી સાંસદ અરવિંદ સાવંતે કહ્યું, “કયું કાયદા પુસ્તક બળવાખોર સાંસદોને આપવામાં આવેલા જાડાણનું વર્ણન કરે છે? અમે આનો વિરોધ નોંધાવ્યો છે.”આપ સાંસદ એનડી ગુપ્તાએ કહ્યું, “અમારા કિસ્સામાં પણ, રાજ્યસભાના દસમાંથી સાત સાંસદોને ‘હાઇજેક’ કરવામાં આવ્યા છે. અમારી અરજી પેન્ડિગ હોવા છતાં તેમને રાજ્યસભામાં અલગ બેઠકો ફાળવવામાં આવી હતી. આ લોકશાહીનું ખુલ્લેઆમ ખૂન છે.”બીજી તરફ,એનસીપીમાં જાડાયેલા ટીએમસીના બળવાખોર સાંસદ કાકોલી ઘોષ દસ્તીદાર પણ બેઠકમાં હાજર રહ્યા હતા, જ્યાં તેમનું સ્વાગત કેન્દ્રીય મંત્રીઓ કિરેન રિજિજુ અને અર્જુન રામ મેઘવાલ દ્વારા કરવામાં આવ્યું હતું. લોકસભા સ્પીકરના ૨૦ બળવાખોર સાંસદોને અલગ બેઠકો ફાળવવાના નિર્ણય અંગે તેમણે કહ્યું, “અમે દેશ અને આપણા રાજ્યના વિકાસ માટે કામ કરવા માંગીએ છીએ. બધા ૨૦ સભ્યો ઇચ્છે છે કે તેમના મતવિસ્તાર યોગ્ય રીતે વિકાસ પામે અને કોઈ પણ જાખમમાં ન રહે, જેમ કે અમે પહેલા જાખમમાં હતા. અમે અરજી કરી છે, પ્રતિભાવો પ્રાપ્ત કર્યા છે અને વિનંતી કરાયેલા તમામ દસ્તાવેજા સબમિટ કરી રહ્યા છીએ.”
પ્રારંભિક તીવ્ર વિરોધ અને વોકઆઉટ પછી, વિપક્ષી પક્ષના નેતાઓ સર્વપક્ષીય બેઠકમાં પાછા ફર્યા. નેતાઓએ જણાવ્યું હતું કે તેમનો વોકઆઉટ સરકારની મનમાની સામે “પ્રતીકાત્મક વિરોધ” હતો, પરંતુ તેઓ ગૃહની સુચારુ કામગીરી સુનિશ્ચિત કરવા અને જાહેર મુદ્દાઓ ઉઠાવવા માટે બેઠકમાં ભાગ લેવાનું ચાલુ રાખશે.
