કલોલ સેશન્સ કોર્ટે ગૌહત્યા કેસમાં ત્રણ લોકોને આજીવન કેદની સજા ફટકારી છે. આ કેસમાં ૨૭૭ કિલોગ્રામ ગૌમાંસ જપ્ત કરવામાં આવ્યું હતું. કોર્ટે દરેક દોષિતને ૩ લાખ રૂપિયાનો દંડ પણ ફટકાર્યો છે. એડિશનલ સેશન્સ જજ બી.આર. રાજપૂતે પ્રાચીન સંસ્કૃત ગ્રંથોનો ઉલ્લેખ કરીને ગાયના રક્ષણના સાંસ્કૃતિક મહત્વ પર ભાર મુક્યો. ગુજાપુરાના વસીમ કુરેશી, બહેરામપુરાના મહંમદ રફીક કુરેશી અને ફતેહવાડીના અસ્ફાક બહેલીમ – ગુજારાપુરાના વસિમ કુરેશી, બહેરામપુરાના મહંમદ રફીક કુરેશી અને ફતેહવાડીના અસફાક બહેલીમ – ને ગુજરાત પશુ સંરક્ષણ (સુધારા) અધિનિયમ અને પ્રાણીઓ પ્રત્યે ક્રૂરતા નિવારણ અધિનિયમ હેઠળ દોષિત ઠેરવવામાં આવ્યા હતા.
વધારાના સરકારી વકીલ જિગ્નેશ જાશીના જણાવ્યા અનુસાર, પોલીસે આ કેસમાં છ લોકોની ધરપકડ કરી હતી. ૨૨ ઓગસ્ટ, ૨૦૨૪ ના રોજ, તેઓએ જામલા ગામમાં લાલાભાઈ સેનમાના ઘરે દરોડો પાડ્યો અને ત્રણ દોષિતો પાસેથી ૫૫,૦૦૦ ની કિંમતનું ૨૭૭ કિલોગ્રામ ગૌમાંસ જપ્ત કર્યું. પોલીસે ગૌહત્યામાં વપરાયેલા હથિયારો અને માંસ પરિવહન માટે વપરાતું વાહન પણ જપ્ત કર્યું. તપાસમાં જાણવા મળ્યું કે આરોપીઓ ગુલામ મોઈન કુરેશીને ગૌમાંસ વેચવાની યોજના બનાવી રહ્યા હતા. ટ્રાયલ બાદ, કોર્ટે છ આરોપીઓમાંથી ત્રણને દોષિત ઠેરવ્યા.
સજા જાહેર કરતી વખતે, કોર્ટે વેદોનો ઉલ્લેખ કરીને કહ્યું કે, “ગાયને બ્રહ્માંડની માતા માનવામાં આવે છે. તે માનવ જીવન અને સમાજ માટે ઉપયોગી છે. ગાયનું રક્ષણ કરવું એ ધર્મ અને કરુણાનું કાર્ય છે. જ્યાં પણ ગૌહત્યા થાય છે, ત્યાં કાનૂની કાર્યવાહી થવી જાઈએ. જા પુરાવા આરોપીનો દોષ સાબિત કરે છે, તો તેને યોગ્ય સજા આપવી જોઈએ…” કોર્ટે પોતાના ચુકાદામાં ટિપ્પણી કરી હતી કે ગાયનું સાંસ્કૃતિક મહત્વ જાણવા છતાં, આરોપીએ ગાયની હત્યા કરી અને તેનું માંસ વેચવાનો પ્રયાસ કર્યો. કોર્ટે વધુમાં જણાવ્યું હતું કે જા નિર્ધારિત સજા આપવામાં ન આવે તો તે ગાયના અસ્તિત્વ માટે જોખમી બની શકે છે. હાલમાં, ત્રણ આરોપીઓને સજા ફટકારવામાં આવી છે.
