જામિયા મિલિયા ઇસ્લામિયામાં વિદ્યાર્થીઓનો વિરોધ એક નવા અને તણાવપૂર્ણ વળાંક પર પહોંચ્યો છે. ગઈકાલે, ૨૬ ઓક્ટોબરે, સમાચાર આવ્યા કે વહીવટીતંત્રે વિદ્યાર્થીઓની મુખ્ય માંગણીઓ સ્વીકાર્યા પછી વિરોધ સમાપ્ત થઈ ગયો છે. જા કે, આવું થયું નહીં. આજે પણ કેમ્પસમાં વિરોધ પ્રદર્શન ચાલુ રહ્યા. વિદ્યાર્થીઓએ વહીવટીતંત્રના દાવાઓને ફગાવી દીધા અને સ્પષ્ટ કર્યું કે જ્યાં સુધી તેમની બધી માંગણીઓ પૂર્ણ ન થાય અને તેમને લેખિત ખાતરી ન મળે ત્યાં સુધી તેમનો સંઘર્ષ સમાપ્ત થશે નહીં. પરિસ્થિતિને ધ્યાનમાં રાખીને, યુનિવર્સિટીએ એક મોટું પગલું ભર્યું અને વર્ગો ઓનલાઈન મોડમાં ખસેડ્યા.વિરોધકર્તાઓએ ગઈકાલે વિદ્યાર્થીઓ સાથે સમાધાનના વહીવટીતંત્રના દાવાઓને સંપૂર્ણપણે નકારી કાઢ્યા છે અને વિરોધ ચાલુ રાખવાનો તેમનો ઇરાદો જાહેર કર્યો છે. દરમિયાન, વિરોધને વધુ તીવ્ર બનાવતા,અને જામિયા વિદ્યાર્થી કાર્યકર અબુઝારે પણ આજે વિદ્યાર્થી સંઘને પુનઃસ્થાપિત કરવાની માંગણી સાથે અનિશ્ચિત ભૂખ હડતાળ શરૂ કરી છે. વિદ્યાર્થીઓએ સ્પષ્ટપણે જણાવ્યું છે કે જ્યાં સુધી તેમની બધી માંગણીઓ લેખિત અને પારદર્શક રીતે પૂર્ણ ન થાય ત્યાં સુધી વિરોધ પ્રદર્શન સમાપ્ત થશે નહીં.
પ્રશાસનનો દાવો હતો કે વિદ્યાર્થીઓએ બદનક્ષીભર્યા નિવેદનો માટે માફી માંગવા અને સોશિયલ મીડિયા પોસ્ટ્સ દૂર કરવા સંમતિ આપી હતી, જેને વિદ્યાર્થીઓએ સંપૂર્ણપણે ખોટી ગણાવી હતી. વિદ્યાર્થીઓનો આરોપ હતો કે વહીવટીતંત્રે વિદ્યાર્થી સંઘની ચૂંટણીઓ યોજવા અથવા બંધારણને મંજૂરી આપવા માટે કોઈ ચોક્કસ સમયમર્યાદા આપી નથી. તેઓએ પ્રોક્ટર અને સુરક્ષા સલાહકારના રાજીનામાની માંગણીનો પણ પુનરોચ્ચાર કર્યો.કેમ્પસમાં વ્યવસ્થા જાળવવા માટે, વહીવટીતંત્રે આગામી સૂચના સુધી તમામ અભ્યાસક્રમો ઓનલાઈન ચલાવવાનો નિર્ણય લીધો છે. વહીવટીતંત્રે વિરોધ કરી રહેલા વિદ્યાર્થીઓને ઉત્તર કેમ્પસમાં ગુલિસ્તાન-એ-ગાલિબ બિલ્ડીંગ અને ગાલિબ લાન તાત્કાલિક ખાલી કરવાની અંતિમ ચેતવણી પણ આપી છે. એ પણ સ્પષ્ટ કરવામાં આવ્યું છે કે જા નિર્ધારિત સમય સુધીમાં આદેશનું પાલન નહીં થાય તો વિદ્યાર્થીઓ સામે કડક શિસ્તબદ્ધ અને કાનૂની કાર્યવાહી કરવામાં આવશે.
જામિયા મિલિયા ઇસ્લામિયામાં પાંચ વિદ્યાર્થીઓ ફરી ભૂખ હડતાળ પર ઉતર્યા છે. અગાઉ હડતાળ પર રહેલા બે વિદ્યાર્થીઓને હોÂસ્પટલમાં લઈ જવામાં આવ્યા હતા. આ પછી, ભૂખ હડતાળ પર રહેલા વિદ્યાર્થીઓની સંખ્યા ઘટીને ત્રણ થઈ ગઈ હતી, પરંતુ હવે ગઈકાલથી વધુ બે વિદ્યાર્થીઓ ભૂખ હડતાળમાં જાડાયા છે. બે દિવસ પહેલા ભૂખ હડતાળ શરૂ કરનારા વિદ્યાર્થીઓમાં ઋત્વિકનો પણ સમાવેશ થાય છે. ઋત્વિક કહે છે કે આ એક વિદ્યાર્થી આંદોલન છે અને વિદ્યાર્થીઓ આ લડાઈ અંત સુધી લડશે. ઋતિકે કહ્યું, “મારા ઉપરાંત, ચાર અન્ય વિદ્યાર્થીઓ ભૂખ હડતાળ પર છે; એક ૧૬ દિવસથી ભૂખ હડતાળ પર છે, અને બાકીના ૬ અને ૮ દિવસથી ભૂખ હડતાળ પર છે. અમારી માંગણી સરળ છેઃ જામિયા પ્રશાસન ચૂંટણી યોજવાની તારીખ નક્કી કરે અને અમે અમારો વિરોધ પાછો ખેંચી લઈએ.”ઋતિકે જામિયાની દિવાલો પર લખેલા વાંધાજનક સૂત્રો પર પણ પોતાના વિચારો વ્યક્ત કરતા કહ્યું, “અમે આવા સૂત્રોનું સમર્થન કરતા નથી, કે જામિયાના કોઈપણ વિદ્યાર્થીનું પણ નથી. તેમની ગંભીરતાથી તપાસ થવી જાઈએ. કાશ્મીર હંમેશા ભારતનું રહ્યું છે, છે અને હંમેશા રહેશે.” આ સૂત્રો આંદોલનને બદનામ કરવાનું કાવતરું છે.
