ન્યુઝીલેન્ડના ભૂતપૂર્વ વિકેટકીપર-બેટ્સમેન લ્યુક રોન્ચીને પાકિસ્તાન સુપર લીગની ઐતિહાસિક ૧૧મી સીઝન પહેલા ત્રણ વખતના ચેમ્પ્યંગ ઇસ્લામાબાદ યુનાઇટેડના મુખ્ય કોચ તરીકે નિયુક્ત કરવામાં આવ્યા છે. લ્યુક રોન્ચી એવા થોડા ખેલાડીઓમાંના એક છે જેમણે વનડે ક્રિકેટમાં બે દેશોનું પ્રતિનિધિત્વ કર્યું છે. તેમણે ઓસ્ટ્રેલિયા અને ન્યુઝીલેન્ડ બંને માટે ક્રિકેટ રમી હતી. ઇસ્લામાબાદ યુનાઇટેડ ફ્રેન્ચાઇઝના સોશિયલ મીડિયા હેન્ડલ્સ પર લ્યુક રોન્ચીની નિમણૂકની જાહેરાત કરવામાં આવી હતી, જેમાં લખ્યું હતું કે, “રોન્ચી ઘરે પરત ફરે છે. આ વખતે, તે પીએસએલ ૧૧ માટે મુખ્ય કોચ તરીકે ટીમનું નેતૃત્વ કરશે.” રોન્ચી માઇક હેસનનું સ્થાન લે છે. હેસનને ટુર્નામેન્ટની આઠમી સીઝનમાં યુનાઇટેડ ફ્રેન્ચાઇઝના મુખ્ય કોચ તરીકે નિયુક્ત કરવામાં આવ્યા હતા, અને તેમના નેતૃત્વમાં, ટીમે ૨૦૨૪ માં મુલતાન સુલ્તાન્સને હરાવીને તેનું ત્રીજું ટાઇટલ જીત્યું હતું.
ફ્રેન્ચાઇઝ દ્વારા જાહેર કરાયેલા એક નિવેદનમાં, યુનાઇટેડના નવા મુખ્ય કોચે ટીમ સાથેના તેમના ઊંડા ભાવનાત્મક જાડાણને વ્યક્ત કર્યું અને ઇસ્લામાબાદ યુનાઇટેડને એક એવી જગ્યા તરીકે વર્ણવ્યું જે હંમેશા તેમના માટે ઘર જેવું અનુભવાય છે. રોન્ચીએ કહ્યું કે ઇસ્લામાબાદ યુનાઇટેડ હંમેશા તેમના માટે ઘર જેવું અનુભવે છે. ટીમ, માલિકો, ચાહકો અને સમગ્ર ઇસ્લામાબાદ યુનાઇટેડ પરિવાર સાથેનો તેમનો સંબંધ ખરેખર ખાસ છે. તેમણે હંમેશા તે જાડાણને ગૌરવ સાથે સાચવ્યું છે.
તેમણે વધુમાં ઉમેર્યું કે મુખ્ય કોચ તરીકે પાછા ફરવું એ ખૂબ જ સન્માનની વાત છે. ઇસ્લામાબાદ યુનાઇટેડ તેના નિર્ભય ક્રિકેટ, પાત્ર અને વિજેતા માનસિકતા માટે જાણીતું છે. તે આ વારસાને આગળ વધારવા અને આ ઉત્કૃષ્ટ ટીમ માટે લીડર અને મેચ-વિનર્સના આગામી જૂથને વિકસાવવામાં મદદ કરવા માટે ઉત્સાહિત છે.
રોન્ચી પીએસએલ માટે અજાણ્યો નથી. તે ૨૦૧૮ થી ૨૦૨૦ સુધી ત્રણ સીઝન માટે ઇસ્લામાબાદ યુનાઇટેડ માટે રમ્યો હતો. તેણે ૩૧ પીએસએલ મેચોમાં ૧૬૬.૧૨ ના પ્રભાવશાળી સ્ટ્રાઇક રેટથી ૧,૦૨૦ રન બનાવ્યા હતા, જેમાં ૧૦ અડધી સદીનો સમાવેશ થાય છે. નોંધનીય છે કે પીએસએલની ઐતિહાસિક ૧૧મી સીઝનમાં આઠ ટીમો ભાગ લેશે, જેમાં હૈદરાબાદ અને સિયાલકોટ નવી ફ્રેન્ચાઇઝી તરીકે જાડાશે. પ્રથમ વખત, લીગ પરંપરાગત પ્લેયર ડ્રાફ્ટને બદલે ખેલાડીઓની હરાજી કરશે, જે ૧૧ ફેબ્રુઆરીએ થશે.પીએસએલ ૨૦૨૬ ૨૬ માર્ચથી શરૂ થશે.
