ગુજરાતના અમદાવાદમાં ૨૦૦૮માં થયેલા શ્રેણીબદ્ધ વિસ્ફોટોના કેસમાં દોષિત અબ્બુ અબુબકર બરેલવીને સુપ્રીમ કોર્ટમાંથી મોટી રાહત મળી. સુપ્રીમ કોર્ટે તેમની મૃત્યુદંડની સજા પર સ્ટે મુકી દીધો છે. કોર્ટે તેમની સજાને પડકારતી બરેલવીની અરજી પર નોટિસ જારી કરી હતી, જેમાં કહેવામાં આવ્યું હતું કે તેમની મૃત્યુદંડની સજા હાલ પૂરતો અમલમાં મૂકવામાં આવશે નહીં. તેમણે ગુજરાત હાઈકોર્ટના નિર્ણયને સુપ્રીમ કોર્ટમાં પડકાર્યો છે.
સુપ્રીમ કોર્ટે દોષિત અહેમદ બાવા અબુ અબુબકર બરેલવીની અરજી પર નોટિસ જારી કરી છે. બરેલવીએ ગુજરાત હાઈકોર્ટના નિર્ણયને સુપ્રીમ કોર્ટમાં પડકાર્યો છે, જેમાં તેમની સજા અને મૃત્યુદંડની સજાને સમર્થન આપવામાં આવ્યું છે.
બરેલવીના વકીલે જસ્ટિસ વિક્રમ નાથની બેન્ચને જણાવ્યું હતું કે તેમને ફક્ત કાવતરાના આધારે દોષિત ઠેરવવામાં આવ્યા છે. તેમણે ગુજરાત કોર્ટના ચુકાદાના અનુવાદ માટે અરજી પણ દાખલ કરી હતી, કારણ કે ટ્રાયલ કોર્ટના દસ્તાવેજા સ્થાનિક ભાષામાં છે. જસ્ટિસ નાથે જવાબ આપ્યો, “ઠીક છે, ફાંસી પર સ્ટે રહેશે.” કોર્ટે આ મામલે જવાબ માંગતી તપાસ એજન્સીને પણ નોટિસ જારી કરી.
૭ જુલાઈ, ૨૦૨૬ ના રોજ, ગુજરાત હાઈકોર્ટે સ્પેશિયલ કોર્ટના નિર્ણયને સમર્થન આપ્યું, જેમાં ૩૮ લોકોની મૃત્યુદંડની સજાને સમર્થન આપ્યું. કોર્ટે ૧૧ દોષિતોની આજીવન કેદની સજાને પણ સમર્થન આપ્યું. અમદાવાદ શ્રેણીબદ્ધ વિસ્ફોટ કેસમાં, નીચલી કોર્ટે ફેબ્રુઆરી ૨૦૨૨ માં તેની સજા જાહેર કરી હતી, જેમાં ૪૯ આરોપીઓમાંથી ૩૮ ને મૃત્યુદંડની સજા ફટકારવામાં આવી હતી.
૨૬ જુલાઈ, ૨૦૦૮ ના રોજ, અમદાવાદમાં ૨૧ સ્થળોએ બોમ્બ વિસ્ફોટ થયા હતા, જેમાં ૫૬ લોકો માર્યા ગયા હતા અને ૨૫૦ થી વધુ ઘાયલ થયા હતા. ઇન્ડિયન મુજાહિદ્દીનએ આ વિસ્ફોટોની જવાબદારી સ્વીકારી હતી. આ વિસ્ફોટો સાંજે ૬:૩૦ થી ૮:૧૫ વાગ્યાની વચ્ચે ૨૦ સ્થળોએ થયા હતા. સરકારી હોસ્પિટલો અમદાવાદ સિવિલ હોસ્પિટલ અને ન્ય્ હોસ્પિટલ, બસ સ્ટેન્ડ, બજારો અને પા‹કગ લોટ સહિત ભીડવાળા વિસ્તારોમાં સાયકલ અને કારમાં ટિફિન બોમ્બ મૂકવામાં આવ્યા હતા અને તે વિસ્ફોટ થયા હતા.
