કેરળમાં ૩૮ સ્થાનિક સંસ્થાઓના વોર્ડમાં યોજાયેલી પેટાચૂંટણીના પરિણામો જાહેર કરવામાં આવ્યા છે. લેફ્ટ ડેમોક્રેટિક ફ્રન્ટ (એલડીએફ) એ ૧૮ બેઠકો જીતી હતી, જ્યારે યુનાઇટેડ ડેમોક્રેટિક ફ્રન્ટ (યુડીએફ)એ ૧૯ બેઠકો જીતી હતી, જ્યારે એનડીએએ એક જીતી હતી. એકમાત્ર એનડીએ બેઠક “ટ્વેન્ટી૨૦” (યુનાઇટેડ ડેમોક્રેટિક ફ્રન્ટ) દ્વારા જીતી હતી. અગાઉ,યુડીએફ પાસે ૨૨ બેઠકો હતી અને એલડીએફ પાસે ૧૫ બેઠકો હતી. પલક્કડના ચિત્તૂરના ધારાસભ્ય સુમેશ અચ્યુથન દ્વારા ખાલી કરાયેલી બેઠક માટેનો મુકાબલો ઉગ્ર હતો, જેમાં એલડીએફ અને યુડીએફ ઉમેદવારોને ૪૨૩-૪૨૩ મત મળ્યા હતા. ત્યારબાદ લોટરી કાઢવામાં આવી હતી, અને એલડીએફના થુલસીધરન વિજયી બન્યા હતા.
કોટ્ટાયમ જિલ્લા પંચાયતના થ્રિકોડિથાનમ વિભાગમાં યુડીએફને હારનો સામનો કરવો પડ્યો હતો. કેરળ કોંગ્રેસના વિનુ જાબ ધારાસભ્ય બન્યા ત્યારે આ બેઠક ખાલી પડી હતી. સીપીએમના મંજુ સુજીત ૨,૧૪૦ મતોના માર્જિનથી જીત્યા હતા, જેનાથી યુડીએફને મોટો ફટકો પડ્યો હતો.
તિરુવનંતપુરમ, કોટ્ટાયમ, પલક્કડ અને કન્નુર જિલ્લામાં એલડીએફને નોંધપાત્ર લીડ મળી હતી. રામ્યા હરિદાસ સાથે સંકળાયેલા “ચિરાયંકીઝુ અથડામણ” વિવાદને કારણે રાજધાનીમાં યુડીએફને પરાજયનો સામનો કરવો પડ્યો હતો. મંગલપુરમ અને અંજુથેંગુમાં ગઠબંધનને ભારે હારનો સામનો કરવો પડ્યો હતો. જાકે, યુડીએફએ એલડીએફ પાસેથી ઘણા વોર્ડ આંચકી લીધા હતા, જેમાં ઇડુક્કીમાં મુટ્ટોમ વોર્ડ ૯, ચાંગનાસેરીમાં કુન્નનાથનમ વોર્ડ ૨ અને શ્રીકૃષ્ણપુરમ (પલક્કડ) અને ચેલાક્કારા (થ્રિસુર)નો સમાવેશ થાય છે.
યુડીએફે પઠાણમથિટ્ટામાં ચારેય પેટાચૂંટણી બેઠકો જીતી હતી. રાજીનામ આપેલા ધારાસભ્યો દ્વારા ખાલી કરાયેલી આઠ બેઠકોમાંથી, યુડીએફે છ બેઠકો જાળવી રાખી હતી. યુડીએફને પલક્કડના કરીમ્બામાં રાહત મળી હતી, જ્યાં ગઠબંધન મોટા સંકટનો સામનો કરી રહ્યું હતું. દરમિયાન, કોલેન્ચેરી પૂર્વ (એર્નાકુલમ) માં, ટ્વેન્ટી૨૦ એ ભાજપના સમર્થનથી ચૂંટણી જીતી.
૨૮ સપ્ટેમ્બરના રોજ વિધાનસભા ચૂંટણીમાં યુડીએફની જીત પછી પહેલી વાર યોજાયેલી આ પેટાચૂંટણીઓમાં સવારે ૭ વાગ્યે મતદાન શરૂ થતાં જ મતદારોમાં નોંધપાત્ર ઉત્સાહ જાવા મળ્યો અને મતદાન તેજ ગતિએ આગળ વધ્યું. રાજ્ય ચૂંટણી પંચના જણાવ્યા અનુસાર, તમામ વોર્ડમાં કુલ ૫૮.૮૧ ટકા મતદાન નોંધાયું હતું, જેમાં ૩૦૯,૭૧૩ મતદારોએ પોતાનો મતાધિકારનો ઉપયોગ કર્યો હતો.
૧૨ જિલ્લાઓમાં ૩૮ સ્થાનિક સંસ્થાના વોર્ડમાં યોજાયેલી પેટાચૂંટણીઓને કોંગ્રેસની આગેવાની હેઠળની યુડીએફ સરકાર માટે પ્રથમ મોટી ચૂંટણી કસોટી માનવામાં આવે છે. આ ચૂંટણીઓ વિધાનસભા ચૂંટણીમાં મળેલા જંગી જનાદેશ પછી આવે છે.
અગાઉ, કેરળના કોચી જિલ્લામાં ત્રિપુનિથુરા સરકારી સંસ્કૃત કોલેજમાં યોજાયેલી ચૂંટણીમાં, એબીવીપીએ બધી બેઠકો પર કબજા જમાવ્યો હતો. આ જીત સાથે, એબીવીપીએ એસએફઆઈના ગઢને તોડી નાખ્યો હતો.
