પાકિસ્તાને આજે સવારે (ગુરુવારે) અફઘાનિસ્તાનમાં ૧૦ સ્થળોએ હવાઈ હુમલા કર્યાનો દાવો કર્યો છે. પાકિસ્તાનના દાવા મુજબ, આ સ્થળોનો ઉપયોગ એક દિવસ પહેલા તેની સામે ડ્રોન હુમલા કરવા માટે કરવામાં આવ્યો હતો. આ ઘટનાએ આ બે દક્ષિણ એશિયાઈ પડોશીઓ વચ્ચે તણાવમાં નોંધપાત્ર વધારો કર્યો છે, જેનાથી પ્રાદેશિક શક્તિઓ દ્વારા મધ્યસ્થી પ્રયાસો માટે ખતરો છે.
પાકિસ્તાનના માહિતી પ્રધાન અતાઉલ્લાહ તરારએ એકસએકસ ના રોજ આ જાહેરાત કરી હતી જ્યારે તેમના અધિકારીઓએ અહેવાલ આપ્યો હતો કે અફઘાન તાલિબાન દળોએ આઠ ડ્રોન છોડ્યા અને પાકિસ્તાની સરહદી ચોકી પર ગોળીબાર કર્યો. પાકિસ્તાની સૈનિકોએ તાલિબાન દ્વારા સરહદ પાર ઘૂસણખોરીના પ્રયાસને નિષ્ફળ બનાવ્યા પછી આ ઘટના બની હતી. જાકે, અફઘાનિસ્તાનમાં પાકિસ્તાનના તાજેતરના હુમલાઓ પર કાબુલ તરફથી તાત્કાલિક કોઈ પ્રતિક્રિયા આવી નથી.
બુધવારે, અફઘાન તાલિબાન સરકારના પ્રવક્તા ઝબીહુલ્લાહ મુજાહિદે અફઘાન તાલિબાન દળોએ કોઈ હુમલા કર્યા હોવાનો ઇનકાર કર્યો હતો. પાકિસ્તાની લડાકુ વિમાનોએ પૂર્વી અફઘાનિસ્તાનમાં એવા સ્થળો પર હુમલો કરવાનો દાવો કર્યા બાદ આ અલગ અલગ નિવેદનો આવ્યા હતા જેને તેઓએ આતંકવાદી ઠેકાણા તરીકે ઓળખાવ્યા હતા.
અગાઉ, પાકિસ્તાની લશ્કરી અધિકારીઓએ બુધવારે જણાવ્યું હતું કે સુરક્ષા દળોએ અફઘાન તાલિબાન દ્વારા ઉડાવાયેલા આઠ માનવરહિત ડ્રોનને તોડી પાડ્યા હતા કારણ કે તેઓ ઉત્તરપશ્ચિમ શહેર કોહાટ અને સરહદી શહેર તોરખામમાં ઘૂસણખોરી કરવાનો પ્રયાસ કરી રહ્યા હતા. સ્થાનિક પાકિસ્તાની અધિકારીઓએ અહેવાલ આપ્યો હતો કે પાકિસ્તાની સૈનિકોએ સરહદ પાર આતંકવાદીઓ દ્વારા ઘૂસણખોરી કરવાનો પ્રયાસ નિષ્ફળ બનાવ્યા બાદ તાલિબાન દળોએ રાતોરાત પાકિસ્તાની સરહદી ચોકીઓ પર ગોળીબાર કર્યો હતો.
જાકે, જુલાઈની શરૂઆતમાં, અફઘાન વાયુસેનાએ પાકિસ્તાનમાં ઘૂસીને આઇએસઆઇએસ આતંકવાદી ઠેકાણાઓ પર હુમલો કર્યો હતો. તાલિબાને બદલો લેવાનો દાવો કર્યો હતો. અફઘાનિસ્તાને બલુચિસ્તાન અને ખૈબર પખ્તુનખ્વામાં આઇએસઆઇએસ ઠેકાણાઓ પર આ હવાઈ હુમલા કર્યા હતા.


































