વિમલ ઇલાઇચી જાહેરાતને કારણે બોલિવૂડના ત્રણ અગ્રણી કલાકારો મુશ્કેલીમાં મુકાયા છે. મહારાષ્ટ્ર ફૂડ એન્ડ ડ્રગ એડમિનિસ્ટ્રેશનએ ફિલ્મ અભિનેતા શાહરૂખ ખાન, અજય દેવગણ અને ટાઇગર શ્રોફને વિમલ જાહેરાતને કારણે કારણદર્શક નોટિસ ફટકારી છે.એફડીએનો આરોપ છે કે આ જાહેરાત પ્રતિબંધિત વિમલ પાન મસાલાનું પરોક્ષ અથવા સરોગેટ પ્રમોશન હોઈ શકે છે. નોટિસમાં ત્રણેય પાસેથી જાહેરાતમાં તેમની ભૂમિકા અંગે સ્પષ્ટતા માંગવામાં આવી છે.એફડીએ અનુસાર, જાહેરાતમાં વપરાયેલ બ્રાન્ડ નામ, સંવાદ અને પ્રસ્તુતિ પાન મસાલા સાથે વિમલ બ્રાન્ડનું જાડાણ દર્શાવે છે. ૧૩ જુલાઈ, ૨૦૨૬ ના રોજના આદેશ હેઠળ, મહારાષ્ટÙમાં પાન મસાલા જેવા પ્રતિબંધિત ઉત્પાદનોના ઉત્પાદન, સંગ્રહ, પરિવહન, વિતરણ અને વેચાણ પર એક વર્ષ માટે પ્રતિબંધ મૂકવામાં આવ્યો છે.
એફડીએ કાયદાની કલમ ૨૪ અને ૫૩ ટાંકીને,એફડીએએ જણાવ્યું હતું કે ગેરમાર્ગે દોરતી ખાદ્ય જાહેરાતોના કિસ્સામાં ૧૦ લાખ સુધીનો દંડ લાદવામાં આવી શકે છે. તેની નોટિસમાં,એફડીએએ ફૂડ સેફ્ટી એન્ડ સ્ટાન્ડર્ડ્સ એક્ટ, ૨૦૦૬ ની કલમ ૨૪ નો ઉલ્લેખ કર્યો છે.એફડીએ વિભાગે ત્રણેય કલાકારો સામે પત્ર દ્વારા નોટિસ જારી કરી છે. એફડીએ મુજબ, કાયદો એવી ખાદ્ય જાહેરાતો પર પ્રતિબંધ મૂકે છે જે ગેરમાર્ગે દોરનારી હોય અથવા ખાદ્ય સુરક્ષા કાયદા અને તેના હેઠળ બનાવેલા નિયમો અને નિયમોનું ઉલ્લંઘન કરતી હોય.નોટિસમાં જણાવાયું છે કે વિમલ એલચી સંબંધિત જાહેરાત ઓનલાઈન અને અન્ય મીડિયા પ્લેટફોર્મ પર પ્રસારિત થઈ રહી છે.એફડીએએ આ જાહેરાતમાં આ ત્રણ કલાકારોની ભાગીદારી અને પ્રમોશનલ સમર્થન અંગે સ્પષ્ટતા માંગી છે. વિભાગે અજય દેવગન, શાહરૂખ ખાન અને ટાઈગર શ્રોફને નોટિસ મોકલી છે, જેમાં તેમને ફૂડ સેફ્ટી કાયદા હેઠળ તેમની સામે કાર્યવાહી કેમ ન કરવી જાઈએ તે સમજાવવા જણાવ્યું છે.મહારાષ્ટ્ર એફડીએએ વિમલ બ્રાન્ડ સંબંધિત જાહેરાતને ફૂડ સેફ્ટી કાયદા હેઠળ તપાસ હેઠળ લીધી છે. વિભાગનું ધ્યાન તેના પર છે કે જાહેરાતની સામગ્રી અને તેના પ્રમોશનમાં સામેલ લોકોની ભૂમિકા કાયદાની જાગવાઈઓનું પાલન કરે છે કે નહીં. નોટિસમાં સ્પષ્ટતા કરવામાં આવી છે કે કાયદો ખાદ્ય ઉત્પાદનોની જાહેરાતમાં ભ્રામક જાહેરાતો અને અન્યાયી વેપાર પ્રથાઓને પ્રતિબંધિત કરે છે. આ આધારે, ત્રણેય કલાકારોના મંતવ્યો માંગવામાં આવ્યા છે.
