સુપ્રીમ કોર્ટ સોમવારે ધાર ભોજશાળા વિવાદ સાથે જાડાયેલા નમાઝ મુદ્દા પર મહત્વપૂર્ણ સુનાવણી કરશે. મુસ્લિમ પક્ષે ભોજશાળા પાસે નમાઝ પઢવા માટે વૈકÂલ્પક જમીનની માંગણી કરી હતી. કોર્ટ શુક્રવારે આ મામલાની સુનાવણી કરવાની હતી, પરંતુ આ મામલો સૂચિબદ્ધ નહોતો. આ પછી, મુસ્લિમ પક્ષે મુખ્ય ન્યાયાધીશ સૂર્યકાંતને વહેલી સુનાવણી માટે અપીલ કરી. મુખ્ય ન્યાયાધીશે પોતે જણાવ્યું હતું કે કેટલીક ગેરરીતિ થઈ છે, તેથી હવે આ મામલાની સુનાવણી સોમવારે પ્રાથમિકતાના ધોરણે કરવામાં આવશે.
મુsliમ પક્ષે પોતાની અરજીમાં જણાવ્યું હતું કે નમાઝ માટે શુક્રવારે બપોરે ૧ થી ૩ વાગ્યાનો સમય નક્કી કરવામાં આવ્યો છે. જાકે, વહીવટીતંત્રે ભોજશાળાથી લગભગ બે કિલોમીટર દૂર નમાઝ માટે એક સ્થળ નક્કી કર્યું છે, જે તેમને અસ્વીકાર્ય લાગે છે.
આ વાંધાને કારણે, મુસ્લિમ સમુદાયના સભ્યોએ ગયા શુક્રવારે નમાઝ અદા કરવાનું ટાળ્યું હતું. મુસ્લિમ પક્ષનું કહેવું છે કે વહીવટીતંત્રનો આ નિર્ણય અવ્યવહારુ છે. આ કારણોસર, મુસ્જ્લિમ પક્ષના વકીલોએ કોર્ટને નમાઝના સમયને ધ્યાનમાં રાખીને આજે બપોરે ૧ વાગ્યા પહેલા આ મામલાની સુનાવણી કરવા વિનંતી કરી હતી.
મુખ્ય ન્યાયાધીશ સૂર્યકાન્તે સ્પષ્ટતા કરી કે કોઈ ગેરસમજને કારણે આ મામલો આજની યાદીમાંથી બહાર રાખવામાં આવ્યો છે. પરિસ્થિતિ સ્પષ્ટ કરતા કોર્ટે કહ્યું કે અરજી પર હવે સોમવારે વિગતવાર સુનાવણી કરવામાં આવશે.અગાઉ, હાઈકોર્ટના આદેશ સામે દાખલ કરાયેલી અરજીની સુનાવણી કરતી વખતે, સુપ્રીમ કોર્ટે વહીવટીતંત્રને ભોજશાળા નજીક પ્રાર્થના માટે યોગ્ય સ્થાન આપવાનો નિર્દેશ આપ્યો હતો. આજની કાર્યવાહી દરમિયાન, સોલિસિટર જનરલ તુષાર મહેતાએ કોર્ટને ખાતરી આપી હતી કે આ સમસ્યાનો ઉકેલ ચાલી રહ્યો છે. તેમણે કહ્યું કે કેન્દ્ર અને રાજ્ય સરકારો સંપર્કમાં છે અને આ મામલો ટૂંક સમયમાં ઉકેલાઈ જશે. સોલિસિટર જનરલ (એસજી) તુષાર મહેતાએ સ્પષ્ટતા કરી છે કે આ મામલાનો સ્વીકાર્ય ઉકેલ ટૂંક સમયમાં મળી આવશે.
