૭ જૂને સિક્કિમ અને પશ્ચિમ બંગાળને જાડતા નેશનલ હાઇવે ૧૦ પર એક દુઃખદ અકસ્માત ભારે શોકમાં ફેરવાઈ ગયો. ગંગટોકથી સિલિગુડી જઈ રહેલા એક જ પરિવારના ચાર સભ્યોના મૃતદેહ તીસ્તા નદીમાં ડૂબી ગયેલી ટાટા નેક્સોન કારમાંથી મળી આવ્યા છે.
મૃતકોની ઓળખ સ્મારિકા ન્યુપને (૨૮), સૈબ્યા ન્યુપને (૨૭), જીકા દહલ (૨૭) અને પાંચ વર્ષીય દિત્ય છેત્રી તરીકે થઈ છે. આ પરિવાર પૂર્વ સિક્કિમના કબી લુંગચોક (લિંગડોક)નો રહેવાસી હતો અને ૫ જૂને હોસ્પીટલમાં દાખલ સંબંધીઓને મળવા સિલિગુડી જઈ રહ્યો હતો.
પરિવારનો છેલ્લે ૫ જૂનની સાંજે રામ્બી વિસ્તાર નજીક સંપર્ક કરવામાં આવ્યો હતો, ત્યારબાદ તેઓ ગુમ થઈ ગયા હતા. ૬ જૂને દાખલ થયેલી ફરિયાદ બાદ, એનડીઆરએફ,એસડીઆરએફ ,પશ્ચિમ બંગાળ પોલીસ અને સ્થાનિક બચાવ ટીમોએ દાર્જિલિંગના સાંસદ રાજુ બિસ્તા અને સામાજિક કાર્યકર વિક્રમ રાયના સમર્થનમાં વિશાળ શોધખોળ કામગીરી શરૂ કરી હતી.
બાગપુલ નજીકના ભૂસ્ખલનથી પ્રભાવિત વિસ્તારમાંથી કારની બેટરી અને બમ્પર મળી આવ્યા પછી, શોધ તિસ્તા નદી તરફ વિસ્તૃત કરવામાં આવી હતી.ભારે વરસાદ અને ભારે પ્રવાહમાં ડૂબેલી કાર શનિવારે સાંજે મળી આવી હતી. અંધારા અને ખરાબ હવામાનને કારણે બચાવ કામગીરી સ્થગિત કરવામાં આવી હતી. જાકે, રવિવારે વહેલી સવારે કામગીરી ફરી શરૂ થઈ અને કારની અંદરથી ચારેય મૃતદેહો સુરક્ષિત રીતે બહાર કાઢવામાં આવ્યા. ભારે વરસાદ, ભૂસ્ખલન અને એનએચ-૧૦ ની જર્જરિત સ્થીતિ અકસ્માતના મુખ્ય કારણો હોવાનું માનવામાં આવે છે.
આ ઘટનાથી સમગ્ર સિક્કિમ આઘાતમાં છે, કારણ કે ત્રણેય પુખ્ત પીડિતો સરકારી કર્મચારી હતા. સ્મેરિકા એસટીએનએમ હોસ્પીટલમાં નર્સિંગ લેક્ચરર હતી, સૈબ્યા સંસ્કૃતિ વિભાગમાં જુનિયર એન્જીનિયર હતી, અને જીકા બાગાયત વિભાગમાં નોકરી કરતી હતી
