એન્ફોર્સમેન્ટ ડિરેક્ટોરેટ (ઈડી) એ સોમવારે પશ્ચિમ બંગાળમાં મોટા દરોડા પાડ્યા. તપાસ એજન્સીની ટીમોએ રાજ્યભરના અનેક વિસ્તારોમાં દરોડા પાડ્યા. આ સમગ્ર કામગીરી ગેરકાયદેસર કોલ સેન્ટરના સંચાલન અને લોકોની છેતરપિંડી સાથે સંબંધિત છે.
અધિકારીઓએ જણાવ્યું હતું કે સિલિગુડી, હાવડા, બિધાનનગર અને દુર્ગાપુર જેવા વિસ્તારોમાં આશરે ૧૦ સ્થળોએ દરોડા પાડવામાં આવ્યા હતા. સુરશ્રી કર, સમ્રાટ ઘોષ અને સુભાજીત ચક્રવર્તી આ કેસમાં મુખ્ય શંકાસ્પદ તરીકે ઉભરી આવ્યા છે. એજન્સી આ વ્યક્તિઓ અને તેમના સહયોગીઓના સ્થળો પર મહત્વપૂર્ણ પુરાવા શોધી રહી છે. તેમના પર કોલ સેન્ટરો દ્વારા અસંખ્ય નિર્દોષ લોકોને પીડિત કરવાનો અને મોટી રકમની છેતરપિંડી કરવાનો આરોપ છે.
હાલમાં, તે સ્પષ્ટ નથી કે આ કેસનો ચૂંટણી ભંડોળ કે રાજકારણ સાથે કોઈ સંબંધ છે. તપાસ એજન્સી દરેક ખૂણાથી આ મામલાની તપાસ કરી રહી છે. ઈડ્ઢ ના અધિકારીઓ આ રેકેટ વિશે સંપૂર્ણ સત્ય ઉજાગર કરવા માટે જપ્ત કરેલા દસ્તાવેજા અને સામગ્રીની તપાસ કરી રહ્યા છે.
આ દરોડા એવા સમયે પડ્યા છે જ્યારે બંગાળમાં ચૂંટણીનો માહોલ પૂરજાશમાં છે. ચૂંટણી પંચે તાજેતરમાં રાજ્યની વિધાનસભા ચૂંટણીની તારીખો જાહેર કરી છે. બંગાળમાં ૨૩ એપ્રિલ અને ૨૯ એપ્રિલના રોજ બે તબક્કામાં મતદાન થવાનું છે. આસામ, કેરળ, તમિલનાડુ અને પુડુચેરીના પરિણામોની સાથે ૪ મેના રોજ ચૂંટણી પરિણામો જાહેર કરવામાં આવશે.
