કેન્દ્રીય ગૃહ અને સહકાર મંત્રી અમિત શાહે ઉત્તરાખંડ સરકારના ચાર વર્ષ પૂર્ણ થવા નિમિત્તે હરિદ્વારમાં આયોજિત એક કાર્યક્રમમાં હાજરી આપી હતી. મુખ્યમંત્રી પુષ્કર સિંહ ધામીએ તેમનું સ્વાગત સ્મૃતિચિહ્ન અને ઉત્તરાખંડની સમૃદ્ધ સાંસ્કૃતિક ઓળખનું પ્રતીક, પરંપરાગત ટોપી આપીને કર્યું. આ પ્રસંગે જનતાને સંબોધતા, અમિત શાહે ઉત્તરાખંડના નિર્માણમાં તત્કાલીન વડા પ્રધાન અને ભાજપના વરિષ્ઠ નેતા અટલ બિહારી વાજપેયીના યોગદાનને યાદ કર્યું.
ગૃહમંત્રી અમિત શાહે કહ્યું કે તેઓ ઉત્તરાખંડના લોકોને કહેવા આવ્યા છે કે એક સમય હતો જ્યારે આ દેવભૂમિ તેના અધિકારો માટે લડી રહી હતી. યુવાનો તેમની વિશિષ્ટ સંસ્કૃતિ અને ઓળખને બચાવવા માટે આગળની હરોળમાં હતા. તે સમયે, કોંગ્રેસ પાર્ટી અને સમાજવાદી પાર્ટીએ ઉત્તરાખંડના યુવાનો પર અસહ્ય જુલમ ગુજાર્યો હતો. ઘણા યુવાનોને ગોળી મારીને તેમના જીવનું બલિદાન આપ્યું હતું. ઉત્તરાખંડના લોકો આજે પણ રામપુર તિરાહા ઘટનાને ભૂલી શક્યા નથી.
અમિત શાહે કહ્યું, “તે સમયે ભાજપના વરિષ્ઠ નેતા અને તત્કાલીન વડા પ્રધાન અટલ બિહારી વાજપેયી ઉત્તરાખંડ બનાવવા માટે કામ કરતા હતા. તે સમયે કોંગ્રેસના નેતાઓ પ્રશ્ન કરતા હતા કે નાના રાજ્યો કેવી રીતે ટકી રહેશે અને તેમની અર્થવ્યવસ્થા કેવી રીતે કાર્ય કરશે.” અટલ બિહારી વાજપેયીએ ત્રણ નાના રાજ્યો બનાવ્યાઃ ઉત્તરાખંડ, છત્તીસગઢ અને ઝારખંડ. આજે, આ ત્રણેય રાજ્યો વિકાસના માર્ગ પર આગળ વધી ગયા છે.
મુખ્યમંત્રી પુષ્કર સિંહ ધામીએ જનતાને પૂછ્યું કે શું તેઓ પીએમ મોદી અને ગૃહમંત્રી અમિત શાહના નેતૃત્વમાં ડબલ-એન્જીન સરકાર ઇચ્છે છે, જે ઉત્તરાખંડનો સર્વાંગી વિકાસ સુનિશ્ચિત કરશે અને દેવભૂમિની ભવ્યતા પુનઃસ્થાપિત કરશે, કે પછી કોંગ્રેસ પાર્ટી, જે ફક્ત વિકાસના નામે પોતાની તિજારી ભરે છે. તેમણે વિચારવું જાઈએ કે શું તેઓ સમાન નાગરિક સંહિતા ઇચ્છે છે કે મુઘલ-પ્રેમી કોંગ્રેસ પાર્ટી જે કાયદો અને વ્યવસ્થાની મજાક ઉડાવે છે.
સીએમ ધામીએ કહ્યું, “‘એક ભારત, શ્રેષ્ઠ ભારત’ ના સ્વપ્નને સાકાર કરવા તરફ એક ઐતિહાસિક પગલું ભરવામાં આવ્યું છે. નાગરિકતા સુધારો કાયદો લાગુ કરીને, વર્ષોથી ઉપેક્ષિત હિન્દુ શરણાર્થીઓને સન્માન અને સુરક્ષા આપવામાં આવી છે.” તમારા દૃઢ નિશ્ચયનું પરિણામ છે કે આજે ગુલામ માનસિકતા ધરાવતા દમનકારી બ્રિટિશ કાયદાઓ નાબૂદ કરવામાં આવી રહ્યા છે અને ભારતીય ન્યાયિક સંહિતા સહિતના નવા કાયદાઓ દ્વારા ન્યાય વ્યવસ્થા ભારતીય મૂલ્યો અનુસાર બનાવવામાં આવી છે, જ્યાં સજા નહીં પણ ન્યાય મહત્વપૂર્ણ છે.
