બિહારના પૂર્ણિયાના સાંસદ પપ્પુ યાદવની શુક્રવારે મોડી રાત્રે ધરપકડ કરવામાં આવી હતી. ૩૧ વર્ષ જૂના કેસમાં તેમના જામીન સમાપ્ત થયા બાદ તેમની સામે આ કાર્યવાહી કરવામાં આવી હતી. પપ્પુ યાદવ શુક્રવારે રાત્રે પટના પહોંચ્યા અને ઘરે પહોંચ્યાના થોડા સમય પછી જ પોલીસે તેમની ધરપકડ કરી. આનાથી પટનામાં ભારે હોબાળો મચી ગયો. પપ્પુ યાદવે જણાવ્યું હતું કે તે પોલીસ સાથે નહીં જાય અને શનિવારે સીધા કોર્ટમાં જશે. જોકે, પોલીસ તેમની ધરપકડ કરવા પર અડગ રહી. આ સમય દરમિયાન પપ્પુ યાદવે નજરકેદ કરવાની પણ ઓફર કરી હતી, પરંતુ પોલીસે નમતું જોખવાનો ઇનકાર કર્યો હતો. આના કારણે પટણામાં ભારે હોબાળો મચી ગયો.
પપ્પુ યાદવના સમર્થકો પોલીસ વાહનોમાં ચઢી ગયા હતા અને સૂત્રોચ્ચાર કર્યા હતા. પોલીસે અહેવાલ આપ્યો હતો કે પપ્પુ યાદવની મોડી રાત્રે ધરપકડ કરવામાં આવી હતી અને તબીબી તપાસ માટે આઇજીઆઇએમએસ લઈ જવામાં આવ્યો હતો.આઇજીઆઇએમએસમાં બેડની અછતને કારણે, તેમને ડાક્ટરોના શૌચાલયમાં ખસેડવામાં આવ્યા હતા.
પટણા પોલીસે શુક્રવારે મોડી રાત્રે ૩૧ વર્ષ જૂના કેસમાં સ્વતંત્ર સાંસદ પપ્પુ યાદવની ધરપકડ કરી હતી. ૧૯૯૫માં, વિનોદ બિહારી લાલે પટણાના ગર્દાનીબાગ પોલીસ સ્ટેશનમાં ફરિયાદ નોંધાવી હતી. તેમણે આરોપ લગાવ્યો હતો કે તેમનું ઘર છેતરપિંડીથી ભાડે લેવામાં આવ્યું હતું. જ્યારે ઘર ભાડે આપવામાં આવ્યું હતું, ત્યારે તેમાં લોકોને રહેવાનું વચન આપવામાં આવ્યું હતું, પરંતુ પાછળથી તેને સાંસદ કાર્યાલયમાં રૂપાંતરિત કરવામાં આવ્યું હતું. મકાનમાલિકને પાછળથી ખબર પડી કે તેમના ઘરનો ઉપયોગ સાંસદ કાર્યાલય ચલાવવા માટે થઈ રહ્યો હતો. ઘર ભાડે આપવામાં આવ્યું ત્યારે આ હકીકત છુપાવવામાં આવી હતી. ધરપકડ પહેલાં, પપ્પુ યાદવે કહ્યું, “હું સંસદ સત્રમાં હાજરી આપીને પાછો ફર્યો છું. મને કોર્ટના સમન્સની જાણ છે અને હું કાલે હાજર થઈશ. જોકે, સાદા કપડામાં કેટલાક પોલીસકર્મીઓ આવ્યા છે અને ગેરવર્તણૂક કરી રહ્યા છે.” તેમણે દાવો કર્યો હતો કે તેમને નિશાન બનાવવામાં આવી રહ્યા છે કારણ કે તેઓ રાજ્ય સરકારની ટીકા કરી રહ્યા હતા, ખાસ કરીને દ્ગઈઈ્ ઉમેદવારના તાજેતરના મૃત્યુ અંગે, જેની તપાસ સીબીઆઇને સોંપવામાં આવી છે.
પોલીસ સૂત્રોએ જણાવ્યું હતું કે તેમની ધરપકડ પછી, પપ્પુ યાદવને તબીબી તપાસ માટે ઇન્દીરા ગાંધી ઇન્સ્ટીટ્યૂટ ઓફ મેડિકલ સાયન્સ લઈ જવામાં આવ્યા હતા. તેમની પટના સ્થિત તેમના નિવાસસ્થાનેથી ધરપકડ કરવામાં આવી હતી. શહેરના મંદિરી વિસ્તારમાં પૂર્ણિયાના સાંસદ પપ્પુ યાદવના નિવાસસ્થાને ગઈકાલે મોડી રાત્રે ભારે હોબાળો થયો હતો. પોલીસ ટીમ તેમને ધરપકડ કરવા આવી હતી, પરંતુ તેમણે પોલીસ ટીમને પાછા જવા કહ્યું અને ખાતરી આપી કે તેઓ શનિવારે કોર્ટમાં હાજર થશે, પરંતુ પોલીસે તેમની ધરપકડ કરી. પટણાના વરિષ્ઠ પોલીસ અધિક્ષક કાર્તિકેય શર્માએ કહ્યું હતું કે, “૧૯૯૫ના એક કેસમાં હાજર ન થવા બદલ સાંસદ/ધારાસભ્ય કોર્ટે યાદવ સામે વોરંટ જારી કર્યું હતું. તેથી, અમે તેમને કોર્ટમાં રજૂ કરવા માટે એક ટીમ મોકલી હતી.”
