લાંબી રાહ જાયા પછી ભારતીય ટેસ્ટ ટીમમાં વાપસીથી સરફરાઝ ખાનના ચહેરા પર સ્મિત આવી ગયું છે. ઈજાને કારણે શ્રીલંકા સામેની બે મેચની ટેસ્ટ શ્રેણીમાંથી બહાર થયેલા સાઈ સુદર્શનના સ્થાને સરફરાઝનો ટીમમાં સમાવેશ કરવામાં આવ્યો હતો. પસંદગી થયા પછી તરત જ, સરફરાઝે સોશિયલ મીડિયા પર પોતાની પહેલી પ્રતિક્રિયા આપી અને તેના પિતા નૌશાદ ખાન સાથેનો ફોટો શેર કરીને આ ખાસ ક્ષણને યાદ કરી. સરફરાઝે ટીમ ઇન્ડિયાની ટ્રેનિંગ કીટ પહેરેલો પોતાનો ફોટો પોસ્ટ કર્યો. તેના પિતા અને કોચ નૌશાદ ખાન પણ તેની સાથે જાવા મળ્યા હતા. તેના પિતાએ સરફરાઝના ક્રિકેટ કારકિર્દીમાં મહત્વપૂર્ણ ભૂમિકા ભજવી છે, અને ટીમ ઇન્ડિયામાં તેના વાપસી પ્રસંગે તેની સાથેનો ફોટો શેર કરવાથી એક ખાસ સંદેશ મળે છે.
ભારતીય ટીમમાં તેની પસંદગી થયા પછી, સરફરાઝે સોશિયલ મીડિયા પર ઘણા ફોટા શેર કર્યા. આમાં, તે ટીમ ઈન્ડિયા કીટ પહેરેલો જાવા મળ્યો હતો, જ્યારે એક ફોટામાં, તેના પિતા તેની સાથે બેઠા જાવા મળ્યા હતા. અગાઉ, ૭ ઓગસ્ટના રોજ, સરફરાઝે ૨૦૧૯ ની તેલુગુ ફિલ્મ જર્સીનો એક ફોટો પણ પોસ્ટ કર્યો હતો. તેની સાથે, તેણે લખ્યું હતું કે તે દરેક જગ્યાએ ફિટ ન થઈ શકે, પરંતુ તે પોતાની બધી શક્તિથી લડતો રહેશે. તેની પોસ્ટ હવે વાયરલ થઈ ગઈ છે.સરફરાઝ લાંબા સમયથી ભારતીય ટીમની યોજનાઓમાંથી બહાર હતો. તેણે છેલ્લે નવેમ્બર ૨૦૨૪ માં ન્યુઝીલેન્ડ સામે ટેસ્ટ રમી હતી. તે ઘરઆંગણે ભારતને ૦-૩ થી હારનો સામનો કરવો પડ્યો હતો. સરફરાઝે ન્યૂઝીલેન્ડ સામેની બીજી ટેસ્ટમાં શાનદાર સદી ફટકારી હતી અને તે શ્રેણીમાં ભારતના મુખ્ય બેટ્સમેનોમાંનો એક હતો. આ છતાં, તે પછી ભારતીય ટીમમાં પોતાનું સ્થાન મજબૂત કરી શક્યો ન હતો. તેને ૨૦૨૪-૨૫ બોર્ડર-ગાવસ્કર ટ્રોફી માટે ભારતીય ટીમમાં સામેલ કરવામાં આવ્યો હતો, પરંતુ પાંચ ટેસ્ટ મેચની શ્રેણીમાં તે એક પણ મેચ રમ્યો ન હતો. ભારત તે શ્રેણીમાં ઓસ્ટ્રેલિયા સામે ૧-૪ થી હારી ગયું.૨૮ વર્ષીય સરફરાઝે ઘરેલુ ક્રિકેટમાં સતત સારું પ્રદર્શન કર્યું છે. તેણે ૬૨ ફર્સ્ટ-ક્લાસ મેચોમાં ૬૪.૭૩ ની સરેરાશથી ૫૧૧૪ રન બનાવ્યા છે, જેમાં ૧૭ સદી અને ૧૬ અડધી સદી ફટકારી છે. તાજેતરમાં, તેણે પોતાની ફિટનેસ પર પણ વ્યાપકપણે કામ કર્યું છે અને સખત તાલીમ દ્વારા વજન ઘટાડ્યું છે. ૨૦૨૫/૨૬ રણજી સિઝનમાં, તેણે મુંબઈ માટે નવ ઇનિંગ્સમાં ૪૨૯ રન બનાવ્યા હતા.
