ઈંગ્લેન્ડની ટેસ્ટ ટીમને નવા યુગની શરૂઆત પહેલા જ મોટો ઝટકો લાગ્યો છે. ભૂતપૂર્વ ઓસ્ટ્રેલિયન બેટિંગ દિગ્ગજ માઈકલ હસીએ ઈંગ્લેન્ડ અને વેલ્સ ક્રિકેટ બોર્ડ (ઇસીબી) તરફથી ટીમના બેટિંગ કોચ બનવાની ઓફર ઠુકરાવી દીધી છે. અહેવાલો અનુસાર, ઈંગ્લેન્ડના નવા ટેસ્ટ મુખ્ય કોચ, સ્ટીફન ફ્લેમિંગ અને ઈસીબીએ આ પદ માટે હસીનો સંપર્ક કર્યો હતો. હસીએ અગાઉ ચેન્નાઈ સુપર કિંગ્સમાં ફ્લેમિંગ સાથે કામ કર્યું હતું, પરંતુ તેમણે ઈંગ્લેન્ડમાં જાડાવાને બદલે ક્રિકેટ ઓસ્ટ્રેલિયાની ઓફર સ્વીકારવાનો નિર્ણય લીધો.ધ ગાર્ડિયનના એક અહેવાલ મુજબ, હસી ક્રિકેટ ઓસ્ટ્રેલિયા સાથે પાર્ટ-ટાઇમ સલાહકાર તરીકે સેવા આપશે. આ વ્યવસ્થા તેમને તેમના અન્ય વ્યાવસાયિક કાર્ય ચાલુ રાખવા માટે સંપૂર્ણ સ્વતંત્રતા આપશે. ધ હંડ્રેડ અને અન્ય ફ્રેન્ચાઇઝ ટુર્નામેન્ટમાં કોચિંગ ઉપરાંત, હસી ઓસ્ટ્રેલિયામાં ફોક્સ સ્પોર્ટ્સ માટે કોમેન્ટેટર અને નિષ્ણાત તરીકે પણ કામ કરે છે.
માઈકલ હસસીનો ઈંગ્લેન્ડ ક્રિકેટ સાથે લાંબો સંબંધ છે. તેમણે ઓસ્ટ્રેલિયામાં ૨૦૨૨ના આઇસીસી મેન્સ ટી ૨૦ વર્લ્ડ કપ દરમિયાન ઈંગ્લેન્ડ ટીમ સાથે પાર્ટ-ટાઇમ સલાહકાર તરીકે સેવા આપી હતી. ઇંગ્લેન્ડે ફાઇનલમાં પાકિસ્તાનને હરાવીને ખિતાબ જીત્યો હતો.વે, એવા અહેવાલો છે કે ઇસીબી માર્કસ ટ્રેસ્કોથિકને ટેસ્ટ ટીમના બેટિંગ કોચ તરીકે જાળવી રાખવાનું વિચારી શકે છે. ટ્રેસ્કોથિક હાલમાં પાકિસ્તાન સામે ચાલી રહેલી ટેસ્ટ શ્રેણીમાં ઈંગ્લેન્ડના કાર્યકારી મુખ્ય કોચ તરીકે સેવા આપી રહ્યા છે, અને તેમની દેખરેખ હેઠળ, ટીમે પ્રથમ બે ટેસ્ટમાં નોંધપાત્ર જીત મેળવી છે.
જુલાઈમાં ઇંગ્લેન્ડના ટેસ્ટ મુખ્ય કોચ તરીકે નિયુક્ત થયેલા સ્ટીફન ફ્લેમિંગ ડિસેમ્બર ૨૦૨૬ માં દક્ષિણ આફ્રિકાના પ્રવાસ સાથે તેમની નવી ફરજા સંભાળશે. ત્યારબાદ ઇંગ્લેન્ડ ૨૦૨૭ માં ઓસ્ટ્રેલિયા સામેની ઐતિહાસિક મેચો અને ઘરઆંગણે એશિઝ શ્રેણી માટે તૈયારી કરશે. તેથી, ફ્લેમિંગની કોચિંગ ટીમમાં બેટિંગ કોચની નિમણૂક ઈસીબી માટે એક મહત્વપૂર્ણ નિર્ણય સાબિત થશે. હાલમાં, ઇંગ્લેન્ડ પાકિસ્તાન સામે ત્રણ મેચની ટેસ્ટ શ્રેણી રમી રહ્યું છે. બે જીત સાથે, ઇંગ્લેન્ડે શ્રેણીમાં અજેય લીડ મેળવી છે.
