લોકોને ભીષણ ગરમીથી થોડી રાહત મળી છે. દક્ષિણ ભારતમાં કેરળમાં ચોમાસાનું આગમન થયું છે. શનિવારે રાષ્ટ્રીય રાજધાની દિલ્હી-એનસીઆરમાં ભારે પવન સાથે વરસાદ પડ્યો. દરમિયાન, રવિવારે સવારે મુંબઈમાં પ્રી-મોન્સૂન વરસાદ શરૂ થયો છે. તેનાથી લોકોને ગરમી અને ભેજથી નોંધપાત્ર રાહત મળી છે.
રવિવાર સવારથી મુંબઈ, થાણે, કલ્યાણ અને સમગ્ર એમએમઆર પ્રદેશના ઘણા વિસ્તારોમાં હળવો થી મધ્યમ વરસાદ નોંધાયો છે. હવામાન વિભાગે આગામી દિવસોમાં પ્રી-મોન્સૂન એકટીવિટી વધવાની આગાહી કરી છે.
ભારત હવામાન વિભાગએ દેશભરના ઘણા રાજ્યો અને જિલ્લાઓ માટે વરસાદની ચેતવણી જારી કરી છે. હવામાન વિભાગે જણાવ્યું છે કે રવિવારે મુંબઈ, પાલઘર અને થાણે જિલ્લાના કેટલાક ભાગોમાં વરસાદની આગાહી છે. આ સમયગાળા દરમિયાન ભારે પવન ફૂંકાશે.
હવામાન વિભાગે સોમવારે પાલઘર અને થાણે જિલ્લામાં વાવાઝોડાની ચેતવણી જારી કરી છે. તેથી, સોમવારે આ વિસ્તારોમાં વરસાદ માટે ‘પીળો ચેતવણી’ જારી કરવામાં આવ્યો છે. સોમવારે મુંબઈમાં પણ હળવા વરસાદની આગાહી છે.
દિલ્હી-એનસીઆરમાં શનિવારે સાંજે વરસાદ પડ્યો હતો. હવામાન વિભાગે રવિવારે પણ દિલ્હી-એનસીઆરમાં વાવાઝોડાની આગાહી કરી છે. હવામાન વિભાગે સોમવાર અને મંગળવારે દિલ્હી-દ્ગઝ્રઇમાં આંશિક વાદળછાયું વાતાવરણ રહેવાની આગાહી કરી છે. બુધવારથી શુક્રવાર સુધી આકાશ સ્વચ્છ રહેશે તેવું પણ જણાવાયું છે.
હવામાન વિભાગે આજે ઉત્તર પ્રદેશના અનેક જિલ્લાઓમાં વાવાઝોડા અને વરસાદની આગાહી કરી છે. રાજસ્થાનમાં ધૂળની આંધી, ભારે પવન અને છૂટાછવાયા વરસાદની આગાહી છે. પહાડી રાજ્યોની વાત કરીએ તો, આજે ઉત્તરાખંડમાં વરસાદ અને કરા પડવાની આગાહી છે. હિમાચલ પ્રદેશના અનેક વિસ્તારોમાં વરસાદની ચેતવણી જારી કરવામાં આવી છે.
