બાબરા તાલુકાના સમઢિયાળા ગામની મેલડી માતાજીના સીમ વિસ્તારમાં પોલીસે દરોડો પાડી જાહેરમાં તીનપત્તીનો જુગાર રમતા પાંચ શખ્સોને ઝડપી પાડ્યા હતા. પ્રાપ્ત વિગતો મુજબ તા. ૧૮ જૂન, ૨૦૨૬ના રોજ મધરાત્રી બાદ પોલીસે કાર્યવાહી હાથ ધરી હતી. આરોપીઓમાં પ્રકાશભાઈ ગોરધનભાઈ ખાવડિયા, સુભાષભાઈ ગોરધનભાઈ ખાવડિયા, સુનિલભાઈ ગોરધનભાઈ ખાવડિયા, અશોકભાઈ ગીરધરભાઈ વાઘેલા અને ઉમેશભાઈ ઉર્ફે દિકુભાઈ કનુભાઈ વાઘેલાનો સમાવેશ થાય છે. પોલીસે સ્થળ પરથી હારજીતના દાવ પર રમાતો જુગાર ઝડપી કુલ રૂ. ૧૪,૬૪૦ની રોકડ રકમ તેમજ ૫૨ ગંજીપત્તાના પાના કબજે કર્યા હતા. આ મામલે બાબરા પોલીસ સ્ટેશનમાં જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરવામાં આવી છે.
