અમેરિકા હવે ઈરાન સાથે વેપાર કરતા દેશોને ચેતવણી આપી છે. યુએસ વિદેશ સચિવ માર્કો રુબિયોએ કહ્યું છે કે જા કોઈ દેશ ઈરાન સાથે વેપાર કરવાનું ચાલુ રાખશે, તો ટ્રમ્પ વહીવટીતંત્ર તે દેશ સામે પ્રતિબંધો લાદવામાં અચકાશે નહીં. હકીકતમાં, માર્કો રુબિયોએ એક પ્રશ્નના જવાબમાં આ નિવેદન આપ્યું હતું.માર્કો રુબિયોને કિર્ગિસ્તાનની રાજધાની બિશ્કેકમાં એસસીઓ બેઠક દરમિયાન ભારતના વડા પ્રધાન નરેન્દ્ર મોદી અને ઈરાની રાષ્ટ્રપતિ મસૂદ પેઝેશ્કયાન વચ્ચે થયેલી મુલાકાત વિશે પૂછવામાં આવ્યું હતું. પત્રકારે પૂછ્યું હતું કે પીએમ મોદી રાષ્ટ્રપતિ પેઝેશ્કયાન અને ઈરાની અધિકારીઓ સાથે મળ્યા હતા. એવું લાગે છે કે તેઓ કોઈ પ્રકારના વેપાર કરારની તૈયારી કરી રહ્યા છે.
આ પ્રશ્નના જવાબમાં, યુએસ સેક્રેટરી ઓફ સ્ટેટ માર્કો રુબિયોએ કહ્યું, “મને નથી લાગતું કે ભારત અને ઈરાન વચ્ચે કોઈ વેપાર સોદો થયો છે. દેખીતી રીતે, દરેક દેશ પોતાની સ્વતંત્ર વિદેશ નીતિ બનાવે છે. વિશ્વભરના ઘણા દેશો ઈરાની શાસન સાથે વાતચીતમાં જાડાય છે. અમે ઈરાની શાસનના કેટલાક સભ્યો સાથે પણ મુલાકાત કરી છે અને તેમનો સંપર્ક પણ કર્યો છે.”અંતે, રુબિયોએ કહ્યું કે કોઈ પણ દેશે ઈરાનને પ્રતિબંધો ટાળવામાં મદદ કરવી જાઈએ નહીં. કોઈ પણ દેશે તેમને આવક પેદા કરવાના માર્ગો બનાવવામાં અને તે નાણાંનો ઉપયોગ આતંકવાદને પ્રોત્સાહન આપવા અને પરમાણુ શ†ો વિકસાવવા માટે કરવામાં મદદ કરવી જાઈએ નહીં.
આ દરમિયાન, યુએસ પ્રમુખ ડોનાલ્ડ ટ્રમ્પે ઈરાન અંગે એક મોટું નિવેદન આપ્યું છે. ટ્રમ્પે કહ્યું કે તેઓ સતત ઈરાન સામે યુદ્ધ જીતી રહ્યા છે. “ઈરાનનું મિશન હવે ફક્ત સમયની વાત છે અને ખૂબ જ ટૂંક સમયમાં સમાપ્ત થશે. અમે ત્યાં ખૂબ જ સારું કરી રહ્યા છીએ.” ટ્રમ્પે કહ્યું કે ઈરાનની નૌકાદળ, વાયુસેના અને સેના નાશ પામી છે, અને તેમની પાસે કંઈ નથી.ટ્રમ્પે વધુમાં જણાવ્યું કે અમેરિકા હવે હોર્મુઝ પર નિયંત્રણ રાખે છે અને ઘણા જહાજા તેમાંથી પસાર થઈ રહ્યા છે. આ દરમિયાન, ટ્રમ્પે હોર્મુઝનું નામ બદલવાનો મુદ્દો પણ ઉઠાવ્યો છે. તેમણે કહ્યું કે તેનું નામ ‘ટ્રમ્પ સ્ટ્રેટ’ કેમ ન રાખવું.
