ડોમિનિકન રિપબ્લિકમાં એક વિશાળ વિમાન દુર્ઘટના થઈ. કટોકટી ઉતરાણ દરમિયાન એક વિમાન ક્રેશ થયું. વિમાનમાં વિસ્ફોટ થયો અને આગ લાગી. ખાનગી વિમાન કટોકટી ઉતરાણ દરમિયાન ક્રેશ થયું. ડોમિનિકન રિપબ્લિકના હાસા લા રોમાના આંતરરાષ્ટ્રીય વિમાનમથક પર આ ભયાનક અકસ્માત થયો. વિમાનમાં આગ લાગી. આ અકસ્માતમાં પાઇલટ અને સહ-પાઇલટનું મૃત્યુ થયું.
અમેરિકન-રજિસ્ટર્ડ ખાનગી જેટ, ગલ્ફસ્ટ્રીમ ય્૨૦૦, પ્યુઅર્ટો રિકોથી ટેક્સાસ જઈ રહ્યું હતું. ટેકઓફ કર્યાના થોડા સમય પછી, એન્જિનમાં ખામી અથવા હાઇડ્રોલિક સમસ્યાની જાણ કરવામાં આવી. ક્રૂએ ઇમરજન્સી લેન્ડિંગનો પ્રયાસ કર્યો, પરંતુ વિમાને સખત લેન્ડિંગ કર્યું, ઘાસમાં લપસી ગયું અને આગ લાગી ગઈ. અકસ્માતમાં બે ક્રૂ સભ્યોના મૃત્યુ થયા. મૃતકોની ઓળખ એરિક જાવિયર ડિએગો અને રૂડી ગજ્જલ તરીકે થઈ છે, બંને પાઇલટ.
ક્રેશ થયેલ ખાનગી જેટ ખાલી હતું, જેમાં કોઈ મુસાફરો નહોતા. ભૂતપૂર્વ મેજર લીગ બેઝબોલ ખેલાડી યાડિયર મોલિનાએ જણાવ્યું હતું કે ફ્લાઇટ તેમને અને તેમના પરિવારને લેવા માટે હતી, પરંતુ સદનસીબે, તેઓ બોર્ડમાં નહોતા. ડોમિનિકન અધિકારીઓ ઘટનાની તપાસ કરી રહ્યા છે.
પ્યુઅર્ટો રિકન કંપની એબોનિટો એવિએશન દ્વારા સંચાલિત ખાનગી જેટ, લા રોમાના આંતરરાષ્ટ્રીય એરપોર્ટથી ઉડાન ભરી હતી. વિમાન યાડિયર મોલિના, તેના પરિવાર અને મિત્રોને લઈ જઈ રહ્યું હતું. ટેકઓફ કર્યાની થોડી મિનિટો પછી, લગભગ ૧૬ નોટિકલ માઇલ દૂર તકનીકી સમસ્યાની જાણ થઈ. પાઇલટને એન્જિનમાં ખામી અથવા હાઇડ્રોલિક સમસ્યા જણાય. તેણે તાત્કાલિક પરત ફર્યો અને રનવે ૨૯ પર ઉતરાણ કરવાનો પ્રયાસ કર્યો. જારદાર ઉતરાણ પછી, વિમાન રનવે પરથી ઘાસમાં લપસી ગયું, પછી તેમાં આગ લાગી અને થોડીવારમાં જ આખું વિમાન આગની લપેટમાં આવી ગયું.
સોશિયલ મીડિયા પર શેર કરાયેલા વીડિયોમાં એરપોર્ટ પરથી ધુમાડાના ગોટેગોટા નીકળતા અને આગ ઓલવવા માટે ફાયર ટ્રકો પાણીનો છંટકાવ કરતી જાવા મળે છે. ઉડ્ડયન સત્તાવાળાઓના જણાવ્યા અનુસાર, ગલ્ફસ્ટ્રીમ ય્-૨૦૦ જેટ ક્રેશનું કારણ નક્કી કરવા માટે તપાસ શરૂ કરવામાં આવી છે.
લા રોમાના આંતરરાષ્ટ્રીય વિમાનમથક પર્યટન સ્થળ લા રોમાના નજીક આવેલું છે. અહીંનું અર્થતંત્ર પર્યટન પર ભારે નિર્ભર છે. પ્રવાસીઓના આગમનથી થતી આવક ડોમિનિકન રિપબ્લિકની આશરે ૧૧.૬ મિલિયન વસ્તીની આજીવિકાનો આધાર છે. ૨૦૨૧ માં અગાઉ આવી જ એક દુર્ઘટના બની હતી. પાંચ વર્ષ પહેલાં, સાન્ટો ડોમિંગોના લાસ અમેરિકા આંતરરાષ્ટ્રીય વિમાનમથક પરથી ઉડાન ભર્યા પછી એક ખાનગી વિમાન ક્રેશ થયું હતું, જેમાં નવ લોકો માર્યા ગયા હતા.
