૭૨મો રાષ્ટ્રીય ફિલ્મ પુરસ્કાર સમારોહ દિલ્હીને બદલે ગુજરાતના કેવડિયામાં યોજાશે. ૨૨ સપ્ટેમ્બરે યોજાનાર આ સમારોહથી ફિલ્મ ઉદ્યોગથી લઈને રાજકીય વર્તુળોમાં ચર્ચા શરૂ થઈ ગઈ છે. અભિનેતા પરેશ રાવલે ગુજરાતમાં સમારોહ યોજવાના નિર્ણયનો બચાવ કર્યો છે, તો મહારાષ્ટ્ર નવનિર્માણ સેનાના વડા રાજ ઠાકરે અને શિવસેનાના વડા ઉદ્ધવ ઠાકરેએ આ નિર્ણય પર સવાલ ઉઠાવ્યા છે. શિવસેનાના રાજ્યસભા સાંસદ સંજય રાઉતે કલાકારોને સમારોહનો બહિષ્કાર કરવાની અપીલ પણ કરી છે.
પરેશ રાવલે કહ્યું કે ગુજરાત ભારતનો એક મહત્વપૂર્ણ ભાગ છે અને રાષ્ટ્રીય કાર્યક્રમો ફક્ત દિલ્હી સુધી મર્યાદિત ન હોવા જાઈએ. તેમણે કહ્યું કે મુખ્ય રાષ્ટ્રીય કાર્યક્રમો વિવિધ રાજ્યોમાં પણ યોજવા જાઈએ. રાજધાનીની બહાર રાષ્ટ્રીય ફિલ્મ પુરસ્કારો યોજવામાં તેમને કંઈ અસામાન્ય લાગતું નથી. ગુજરાતમાં રાષ્ટ્રીય ફિલ્મ પુરસ્કારો યોજવા અંગેના પ્રશ્નો વચ્ચે પરેશ રાવલે કહ્યું, “ગુજરાત બાંગ્લાદેશમાં છે કે પાકિસ્તાનમાં? તે પણ આપણા દેશનો એક ભાગ છે. આ કાર્યક્રમ ગુજરાતમાં કેમ ન યોજાઈ શકે? કાર્યક્રમો ગુજરાતમાં પણ યોજવા જાઈએ.” હું કહું છું કે આવા કાર્યક્રમો દરેક રાજ્યમાં યોજવા જાઈએ. તેમાં કંઈ ખોટું નથી.’
પરેશ રાવલની ટિપ્પણી એવા સમયે આવી છે જ્યારે ફિલ્મ અને ટેલિવિઝન મંત્રાલયે જાહેરાત કરી છે કે રાષ્ટ્રીય ફિલ્મ પુરસ્કાર સમારોહ દેશના વિવિધ ભાગોમાં યોજાશે. આ પ્રતિષ્ઠિત કાર્યક્રમને રાજધાની દિલ્હીની બહાર લઈ જવાનો હેતુ છે. મંત્રાલયના જણાવ્યા અનુસાર, આ વર્ષે એકતા નગરમાં યોજાનારા સમારોહનું આયોજન ભારતભરમાંથી ફિલ્મ પ્રતિભાઓને એકત્ર કરવા અને ‘એક ભારત, શ્રેષ્ઠ ભારત’ ની ભાવના દર્શાવવા માટે કરવામાં આવી રહ્યું છે.મહારાષ્ટ્ર નવનિર્માણ સેનાના વડા રાજ ઠાકરેએ રાષ્ટ્રીય ફિલ્મ પુરસ્કાર સમારોહ દિલ્હીથી ગુજરાતના કેવડિયા ખસેડવાના નિર્ણયની ટીકા કરી છે. ઠ પરની એક પોસ્ટમાં, તેમણે પ્રશ્ન કર્યો કે જા સમારોહ રાજધાનીથી બહાર ખસેડવાનો હતો, તો તે મુંબઈ અથવા અન્ય રાજ્યમાં કેમ ન યોજાયો જ્યાં મોટા પાયે ફિલ્મોનું નિર્માણ થાય છે. રાજ ઠાકરેએ પ્રશ્ન કર્યો, “જા સ્થળ બદલવાનું હતું, તો તે મુંબઈ કેમ ન ખસેડવામાં આવ્યું?” તેમણે તમિલનાડુ, કેરળ, આંધ્રપ્રદેશ અને તેલંગાણાનો પણ ઉલ્લેખ કર્યો, જ્યાં મોટી સંખ્યામાં ફિલ્મોનું નિર્માણ થાય છે. તેમણે પ્રશ્ન કર્યો કે સમારોહ માટે ગુજરાતને કેમ પસંદ કરવામાં આવ્યું.
રાજ ઠાકરેએ આરોપ લગાવ્યો કે સમારોહને ગુજરાતમાં ખસેડવાનો નિર્ણય મુંબઈ અને રાષ્ટ્રીય રાજધાનીનું મહત્વ ઘટાડવા અને ગુજરાતને પ્રોત્સાહન આપવાના પ્રયાસનો ભાગ હતો. તેમણે ગુજરાતમાં થઈ રહેલી અન્ય ઘણી મોટી ઘટનાઓ અને પ્રોજેક્ટ્સનો પણ ઉલ્લેખ કર્યો અને વડા પ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહના ઇરાદા પર પ્રશ્ન ઉઠાવ્યા. રાજ ઠાકરેએ કહ્યું, “આજે જે દેશ ઉભો છે તે અસંખ્ય પેઢીઓના બલિદાન અને દેશના દરેક ક્ષેત્રના યોગદાનનું પરિણામ છે.” તેમણે દેશભરના કલાકારોને આ નિર્ણય પર પ્રશ્ન ઉઠાવવાની અપીલ કરી. તેમણે દલીલ કરી કે વિવાદ ફક્ત સ્થળનો નથી, પરંતુ રાષ્ટ્રીય રાજધાનીમાં એવોર્ડ સમારોહ યોજવાની વર્ષો જૂની પરંપરાને બદલવાનો છે.ઉદ્ધવ ઠાકરેએ કેન્દ્ર પર ‘દિવાલ’ ઉભી કરી શિવસેના પ્રમુખ ઉદ્ધવ ઠાકરેએ પણ આ નિર્ણય માટે કેન્દ્ર સરકારની ટીકા કરી હતી. તેમણે આરોપ લગાવ્યો હતો કે કેન્દ્ર સરકાર ગુજરાત અને દેશના બાકીના ભાગો વચ્ચે એક પ્રકારની દિવાલ બનાવવાનો પ્રયાસ કરી રહી છે. ઠાકરેએ એક પત્રકાર પરિષદમાં કહ્યું હતું કે, “તેઓ ગુજરાત અને દેશના બાકીના ભાગો વચ્ચે દિવાલ બનાવવાનો પ્રયાસ કરી રહ્યા છે. તેમને (ભાજપને) પૂછવું જાઈએ કે તેઓ આવું કેમ કરી રહ્યા છે.” સંજય રાઉતે પૂછ્યું, “શું નરેન્દ્ર મોદી ફક્ત ગુજરાતના વડા પ્રધાન છે?”
