પંજાબ વિધાનસભા ચૂંટણી પહેલા ભાજપે પ્રચારનો પ્રથમ રાઉન્ડ પૂર્ણ કરી લીધો છે. ભાજપની ડ્રગ-મુક્ત પંજાબ યાત્રા રાજ્યના તમામ ૧૧૭ વિધાનસભા મતવિસ્તારોમાંથી પસાર થઈ. કેન્દ્રીય ગૃહમંત્રી અમિત શાહે બુધવારે જલંધરની રેલીમાં લગભગ ૧૦૦,૦૦૦ લોકોને સંબોધિત કર્યા. અમિત શાહે જાલંધરની રેલીમાં છછઁ અને કોંગ્રેસ પર આકરા પ્રહારો કર્યા. લગભગ અડધા કલાકના ભાષણમાં, તેમણે ૩૧ ડિસેમ્બર, ૨૦૨૯ સુધીમાં પંજાબને ડ્રગ્સ મુક્ત બનાવવાનું વચન આપ્યું. તેમણે દ્ગડ્ઢછ સરકાર દ્વારા ડ્રગ્સ સામે કરવામાં આવેલી કાર્યવાહીના આંકડા રજૂ કર્યા. તેમણે મુખ્યમંત્રી ભગવંત માન પાસેથી અનેક પ્રશ્નો પૂછ્યા, પરંતુ શિરોમણી અકાલી દળ કે બાદલ પરિવારનો ઉલ્લેખ પણ કર્યો નહીં. તેમણે ભાજપ-અકાલી દળ ગઠબંધન સરકાર વિશે પણ ચર્ચા કરી નહીં.
શિરોમણી અકાલી દળ અંગે અમિત શાહના નો-કોમેન્ટ વલણથી પંજાબમાં ચર્ચા શરૂ થઈ ગઈ છે કે શું ભાજપ-અકાલી દળ ગઠબંધન હજુ પણ શક્ય છે. ભાજપના પ્રદેશ પ્રમુખ કેવલ સિંહ ધિલ્લોન અને પ્રભારી સતીશ પુનિયાએ ગઠબંધનની શક્યતાને નકારી કાઢી છે. અન્ય પક્ષના નેતાઓ પણ આ મુદ્દે બોલવાનું ટાળી રહ્યા છે. પક્ષના મહાસચિવ બીએલ સંતોષે પક્ષના કાર્યકરોને તમામ ૧૧૭ બેઠકો પર ચૂંટણી માટે તૈયારી કરવા સૂચના આપી છે. છ મહિના પહેલા, ૧૪ માર્ચે, અમિત શાહે મોગામાં બદલાવ રેલીમાં શિરોમણી અકાલી દળ સાથે જોડાણનો સંકેત આપ્યો હતો. સૂત્રોના જણાવ્યા અનુસાર, અમિત શાહે પંજાબ ભાજપના નેતાઓને સ્પષ્ટપણે કહ્યું હતું કે ચૂંટણી અંગે અંતિમ નિર્ણય તેઓ લેશે.
તેમણે ૩૧ ડિસેમ્બર, ૨૦૨૯ સુધીમાં ડ્રગ્સ મુક્ત પંજાબનું વચન આપ્યું હતું. તેમણે નક્કી કર્યું છે કે ચૂંટણીમાં આમ આદમી પાર્ટી અને કોંગ્રેસ ભાજપનું લક્ષ્ય હશે. રાજકીય વિશ્લેષકો અકાલી દળ પર મૌન રાખવાને ભાજપની રણનીતિ માને છે. અમિત શાહ ચૂંટણી પછીના જોડાણની શક્યતાને નકારી કાઢવા માંગતા નથી. અત્યાર સુધી કરવામાં આવેલા તમામ ચૂંટણી સર્વે કોઈપણ પક્ષ માટે સ્પષ્ટ બહુમતીનો સંકેત આપતા નથી. ભાજપ શહેરી વિસ્તારોમાં ફાયદો મેળવી રહ્યું હોય તેવું લાગે છે, પરંતુ ગ્રામીણ વિસ્તારોમાં આપ અને કોંગ્રેસ સાથે સ્પર્ધા કરવી મુશ્કેલ બનશે. નવી પાર્ટી, વારિસ પંજાબ દે, એ પણ તમામ પક્ષોની ઊંઘ હરામ કરી દીધી છે.
ભાજપનો દાવો છે કે ૨૦૨૭ની પંજાબ વિધાનસભા ચૂંટણીમાં સરકાર બનાવવા માટે તેની પાસે સંખ્યા હશે, જે સરળ નથી. સૂત્રોના જણાવ્યા અનુસાર, ભાજપ અને શિરોમણી અકાલી દળ વચ્ચે ચૂંટણી પૂર્વેનું જોડાણ બે શરતો પર આધારિત છે. પ્રથમ, ભાજપ હવે સમાન બેઠકો ઇચ્છે છે. બીજું, તે ઇચ્છે છે કે ચૂંટણી પછી મુખ્યમંત્રીનો નિર્ણય તેના જીતેલા ધારાસભ્યોની સંખ્યાના આધારે લેવામાં આવે. શિરોમણી અકાલી દળ (એસએડી) આમાંથી કોઈપણ શરત સાથે સંમત નથી. ચૂંટણી પહેલા લગભગ પાંચ મહિના બાકી હોવાથી, ભાજપે તેના પ્લાન બી પર કામ કરવાનું શરૂ કરી દીધું છે. સૂત્રોના જણાવ્યા અનુસાર, ભાજપના નેતાઓને અકાલી દળ અને બાદલ પરિવાર પર સીધા હુમલો ન કરવાની સૂચના આપવામાં આવી છે. હવે ચૂંટણી પરિણામો પછી જ નિર્ણય લેવામાં આવશે.
